●7 nyied 29 hauh, Loz- cwngz Mulaujcuz Swciyen youq Aen Suen Yawjngonz Gingjsaek Swnghdai Luegcaijhungz Gauh- lingj Sangcauz Cunh Denhhoz Cin aen yienh neix banh gaiq daeuz bouxlwg caeuq bohmeh gvehoengz yalingyingz hoz- dung, yinx ndaej ca mbouj geijlai bak aen gyaranz gap doih daeuj caeuqfaenh, caezgya youq seiz ndatfwdfwd neix doenggvaq mbaet gvehoengz、 doxdax gwn gvehoengz daengj hozdung miz yinx, hawj caezgya roxnyinh sangjswd.

(Liu Gvanghfuz)

●7 nyied 27 hauh, Bak- saek Si Minzyijban Lij Hungz- lanz daengj vunz, daengz Denz- yangz Yen haiguh diucaz geiq- loeg Vahsengj caeuq Vah- cuengh, aen yienh neix daez- hawj boux fatyaem Vahsengj caeuq boux fatyaem Vahcuengh Douzdangz Cin he, vih celouz vah minzcuz yienghnduj, fat- yiengz vwnzva minzcuz daez- hawj baengzgawq codaeuz.

(Denzyangz Yen Minzyijban)

●Mboengqneix, Cingsih Si Dungzdwz Yangh makhoj- lungzgoj buek daih’it bineix ndaej fungsou, suenmak 22 moux aen hozcozse ciennieb ndaem mak baenz miz Dungz- dwz Yangh gungh sou ndaej makhojlungzgoj 5.5 fanh gaen, cienzbouh souhaeuj miz daengz 22 fanh maenz, ciuq gij “roencienz” neix, gujsuenq daengx yangh 78 moux makhoj- lungzgoj souhaeuj yaek daengz 70 lai fanh maenz, makhoj- lungzgoj ndaej hawj bouxguhnaz laisou.

(Hoz Yenlingz Veiz Yaujyen)

●Geij bi neix daeuj, Yungzsuij Myauzcuz Swciyen Hozmuz Cin Gujdingj Cunh Mbanjcouhsang doenggvaq gij vunqsik “dangjyenz+hozcozse+ranzgungzhoj+gunghswh”, youq Dahyungzgyangh hwngfat yungh siengmuengx ciengx bya. Seiz- neix, 50 lai ranz ranzgungzhoj gyahaeuj hozcozse, doengzcaez ciengx byaleix、byavanx、 byandokhenj daengj doenghgij duzbya neix, bi ndaej canh daengz 70 lai fanh maenz, bangrengz cinjcing vut gungz.

(Bangz Gwzbingz Lungz Linzci)