●7 nyied 16 daengz 18 hauh, dwg seiz “ciet buzvuengz Yauzcuz” Gunghcwngz Yauzcuz Swciyen swngjgaep feihvuzciz vwnzva yizcanj baujhoh mingz- loeg, vunzlai dangdieg doenggvaq haiguh yienj boq aenvenz roq gyong、 yienj heiq buhvaq ciuhgeq、 ciengj bauqva daengj baenzdauq hozdung, ngoenz- naengz yinx ndaej baenz fanh vunz daeuj yawjngonz youzcet.

(Couh Binjciuh Vangz Sezgen)

●7 nyied 19 hauh, Liujcouh Siveij Dungjcanbu lienzhab Liujcouh Si Hozciz Sanghvei daengz Sanhgyangh Fuluz Myauzcuz Yangh haiguh simndei giencienz banghag hozdung. Hozdung seiz, aen sanghvei neix gien lanzgiuz、 yijmauzgiuz daengj buek doxgaiq dijyuz yungh he dij 3000 maenz; gien 50000 maenz ngaenz hawj diegsonhag siujyoz Mbanjcinzban Fuluz Cunh Fuluz Yangh, hawj hagdangz hwnjguh ranzgwnhaeux caeuq boujdiep hagseng gungzhoj, gvansim lwghag Mbanjmyauz, haeujsim Mbanj- myauz gyauyuz.

(Gunj Yicungh)

●Bineix daeuj, Yizcouh gaenjndaet hopheux hengzguh gij guhhong moegbiu yinvu “roek aen hengzdoengh hung”, daengz ndwen 6 daej, guhsat hengzguh hanghmoeg（hamz swnj guh） 20 aen, gij cienzbonj ndaw guek saedyienh ngaenzcienz daengzdieg 14.58 ik maenz, guhsat 59.51% Hozciz Si roengz daengx bi yinvu haenx, gij cienzbonj rog guek daengzdieg 1650 fanh maenz meijyenz, guhsat 62.03% daengx bi yinvu haenx, byonghbi gonq hanghmoeg ciemdingh moq 5 aen.

(Linz Ciuhniz)

●Bineix daeuj, giethab seizheiq ceng cauh aen yienh guhyiengh hwngfat ginghci gizdieg daengx gih, Fuzsuih Yen dawz hwngfat ciengx bya ciengx doenghduz dangguh hangh neiyungz youqgaenj hong “sam nungz” he daeuj guh, hopheux gij moegbiu canjnieb demyauq、 bouxguhnaz laisou, gyavaiq cienjbienq fuengsik hwngfat ciengx bya ciengx doenghduz, gyavaiq canjnieb cienjhingz swnggaep, coicaenh ciengx bya ciengx doenghduz cangqheiq hwngfat.

(Liengz Cenzdungh)

简 讯