●7 nyied 13 hauh, Aen Camh Doigvangq Nungzyez Gihgai Gisuz Liujcouh Si ciucomz bouxgisuzyenz miz- gven gunghswh, bae daengz Yungzsuij Myauzcuz Swciyen Yungjloz Cin Dunghyangz Cunh banh aenban yienhciengz son- gyauq nungzyez gihgaiva, doenggvaq langhbaij gaem- guenj vuzyinzgih doiq doengh- naz guh doengjit fuengzre doengjit henhoh, caenh’itbouh gyaak gij yisiz nungzhoh yungh gihgai gohgi sang daihneix daezsang nungzyez swnghcanj yauqlwd.

(Gungh Siengjyouj)

●Mboengqneix, Denz- yangz Yen saeqsim guh baiz senhconz 《Denzyangz Bingzanh Bouxboux Caeuqfaenh》, nem haeuj mbanj、 segih、 gyaranz bae, mboujduenh guh ndei daengx yienh bingzanh huzndei cauxlaeb hozdung, mboujduenh cauh’ok gij heiqfaenh daengx yienh hwnjguh huzndei bingz- anh, mizyauq doicaenh bingzanh cihsiz cienzdoh, guh daengz vunzyouq singz mbanj bouxboux rox bingzanh cihsiz, hwnjguh bingzanh bouxboux caeuqfaenh.

（Vangz Gozsun）

●Geij bi neix daeuj, Loz- cwngz Mulaujcuz Swciyen gyalai bued cienz, mboujduenh guh- ndei lijyouz giekdaej sezsih, gyavaiq hwngfat lijyouz canj- nieb. Bineix byonghbi gonq, daengx yienh ciepdaih bouxhek ndaw guek rog guek 51.51 fanh vunzbaez, doengzbeij dem- gya 17.33%, lijyouz cungjsiufeiq 5.98 ik maenz, doengzbeij dem- gya 28.04%.

(Mungz Cwnghswh)

●7 nyied 14 hauh, mbangj boux lauxsae hagseng Guengjsae Ginhyungz Cizyez Gisuz Hag- dangz daengz Nanzdanh Yen Bazhih Yauzcuz Yangh Lauj- hihcangz Cunh haiguh gyaj- seizhwngq “sam roengz mbanj” hozdung, bae camnai boux ndangcanz ranzgungzhoj、lwg- nyez louz mbanj ranzgungzhoj daengj 15 ranz ranzgungzhoj, gyoengqde rau hezyaz hawj bouxgeq mbouj aeu cienz、 senhconz gohgi cihsiz、 soengq youzgwn、 haeuxsan caeuq buhvaq bae hawj ranzgungzhoj, vih “cinjcing banggungz” ok- rengz.(Moz Gijcauh)