7 nyied 11 hauh banhaemh, Heiqcuengh daihneix 《Suhgi Daih- it》 youq Aen Cungsim Vwnzva Minzcuz Dwzbauj Yen yienjok, aen heiq neix youz Aen Cungsim Yisuz Ngeihyienz Ndokmax Dwzbauj Yen fucwz baizyienj, caemhcaiq youq 7 nyied 21 daengz 23 hauh daiqbiuj Guengjsae bae Baekging camgya bi 2017 daengx guek gihcwngz yendonz citheiq comzyienj. Neix dwg youq 《Lwggyoux Bauj》 bae Baekging comzyienj ca mbouj geijlai 60 bi le, Aen Duenz Heiqcuengh Dwz- bauj baez daihngeih bae Baekging yienjok.

Heiqcuengh daihneix 《Suhgi Daih’it》 dwg yungh gij saehsaed ndei 3000 boux ganbu maenhndei daengz 3000 aen cunh gungzhoj dang suhgi daih’it Swcigih Dangjveij bi 2014 doxdaeuj genjbaij haenx guh cauhguh beigingj, yungh gij hingzsik heiq dawz saedceij guhhong suhgi daih’it buen hwnj gwnz daizheiq bae, daengx aen heiq doed ok daegsaek minzcuz caeuq daegsaek gizdieg, yungzhaeuj diuqfoux minzcuz conz- dungj caeuq vwnzva fwen ndawbiengz maenhndei Guengjsae doengzseiz, dawz gij yenzsu ciengqgo Heiqcuengh conzdungj dox giethab, hawj daengx aen heiq yienj gij seizdaihgamj gig haenq, baijyienj le gij cingsaenz buekguh suhgi daih’it. Aen heiq- moeg neix mboujdan miz minzcuz conzdungj vwnzva yenzsu, hix miz daegdiemj cauhmoq seizdaih.

(Nungz Yungjfang/农永放)