Duj va gwnz faex caengz mbin sat,

Duznon ndaw bya gaenq doxeu.

Ronghndwen ciuq hau diuz rij ndeu,

Go’nywj engq heu song henz loh.

Seizcin lumj dah ngonz mbouj doh,

Seizhah lumj mboq yimzyimz ma.

Haemhneix roeg heuh youq ndaw naz,

Soengq cin baema coux hah daeuj.

Daihdeih haemq mwn mbwm haemq raeuj,

Seizneix dwendauq rox geijlai?

Rumz doeng lizbae mbouj miz mai,

Va’ngaeux caeg hai biengzbeih douh.

Gizneix mbouj raen ronghndwen gaeuq,

Ngoenzcog ndit youh ciuqyiengh miz.

Cae naz guh sat naz engq biz,

Hongnaz youq giz lij engq lai.

Ndwenngoenz gingjsaek ndei yaek dai,

Ndaundeiq da hai caemh daeuj cunz.

Ronghndwen ce rongh soengq ranz vunz,

Daengngoenz cuengq ndit mbouj hunzgyoenx.