Mwngz haengjdingh rox gwnzbiengz miz aen guek heuhguh

Cungguek,

Hoeng mbouj haengjdingh rox Cungguek Guengjsae miz

aen dieg heuhguh Bingzgoj,

Gyoengq vunz Bingzgoj simsoh lauxsaed,

Gij laeuj Bingzgoj rang doh cien bya fanh rungh.

Mwngz haengjdingh rox haplangh gwnz haij mizseiz sang

lumj bya,

Hoeng mbouj haengjdingh rox gwn faex cop youq gwnz bya

ngamq hai gak duj va,

Gij rang dujva hawj gou mizrengz,

Gij saek duj va hawj gou simlangh dangqmaz.

Mwngz haengjdingh rox aen goj gizneix riuz ndaej cien bi lo,

Hoeng mbouj haengjdingh rox aen dieg Bouxcuengh miz

cungj fwen heuh fwenleux,

Gij sing fwenleux hawj gou simmaez,

Gij cingz fwenleux hawj gou nanz ndaej doxdeuz.

Fwenleux, fwenleux, fwenleux,

Fwenleux dwg gwnzbiengz duj va gyaeundei ndeu,

Fwenleux,

Hawj gou riu ndaej van,

Fwenleux,

Hawj gou lumz haemzhoj,

Fwenleux,

Hawj gou ciengxlwenx sim’angq.