7 nyied 5 hauh, youq ndaw gihdi dajciengx Sanglinz Yen Sihyen Cin Gauhgyangz Dajciengx Nungzminz Hozcozse lumj gvaq ciet nei angqwtwt nauhyied raixcaix. 50 boux seyenz hohgungzhoj itgungh lingx ndaej leihhoengz 16.48 fanh maenz.

Ciuq cam rox, hozcozse daj bi 2016 ndwen 9 laebbaenz, aen yienghceij hwngfat canjyez neix aeu “giyez bouxdaeuz + bouxmaenh’ak baenzfouq + Cunh Dangjcihbu + hozcozse + hohgungzhoj” ma guh baenz, doenggvaq ciengx vaiz、yiengz、mou vut gungz baenzfouq, bi 2016 canjciz 380 fanh maenz, hawj hohgungzhoj faenhoengz 13.28 fanh maenz. Bineix 6 nyied itgungh gai le 39 duz vaiz, 18 duz yiengz, 450 duz mou, sou ndaej 119 fanh maenz, hawj hohgungzhoj faenhoengz 16.48 fanh maenz. Dangqnaj ndaw riengh lij miz vaiznoh 150 duz, yiengzndaem 150 duz, mounoh 200 duz.

(Lanz Couh Fanz Yamingz/蓝 洲 樊亚明)