7 nyied 5 hauh, Gunghcwngz Yauzcuz Swciyen Gvanhyinh Yangh aen yizsi haidoengh doihengz daenj buhvaq Yauzcuz haenx youq aen veiyisiz hung yangh cwngfuj gawj- hengz, aen yangh neix lingjdauj“sam gya banhswj”、gyoengq ganbu cizgungh yangh cwngfuj、Yauzcuz daiqbiuj daengj 50 vunz camgya aen haidoengh yizsi neix.

Ciuq cam rox, aen yienh neix youq bi 2016 ndwen 7 youq gwnz dangjdaivei daihcibsam mbat daezok gij genyi doiq conzdungj buhvaq Yauzcuz guh sezgi gaijndei, doihengz aen danhvei doiq rog haenx caeuq gyoengqvunz fuzvu hangzyez haenx aeu daenj buhvaq Yauzcuz, cauh gij fwnveiz vwnzva Yauzcuz noengqnwt. Vih lozsiz aen gunghcoz busuj neix, Yen Yinzminz Cwngfuj cujciz doxgven bumwnz, youz Minzcuz Cunghgyaugiz guhdaeuz, ginggvaq roengzrengz bi ndeu, raiz ok le《Gunghcwngz Yauzcuz Swciyen Gvendaengz Gietdingh Youq Daengx Yienh Doihengz Daenj Buhvaq Yauzcuz》 (caujan), lij youq Yen Yinzminz Cwngfuj aeu yian hingzsik, daezgyau hawj Yen Yinzminz Daibyauj Davei saemjlwnh, youq bi 2017 ndwen 2 ndaej doenggvq, daj bineix 7 nyied 1 hauh hwnj saedhengz.

(Cwng Ciminj/郑智敏)