●Bineix daeuj, Lingzyinz Yen laebdaeb aeu guh mbawcaz dangguh hangh canjnieb youq- gaenj hawj bouxguhnaz laisou he daeuj guh, guh ndei hong cauxlaeb binjbaiz canjnieb mbawcaz, gyavaiq doicaenh mbawcaz guh ndaej seuqcingh、biucinj、 mbouj miz goenghaih, rengzrwd doidoengh hwngfat canjnieb mbawcaz. Ciuq gyoep- suenq, ndwen 1-6, daengx yienh mbawcaz hawq canjliengh daengz 1536 dun, mbawcaz cungjcanjciz daengz 1.31 ik maenz, ranzndaemcaz bouxvunz bingzyaenz souhaeuj 2589 maenz.

(Vangz Binh)

●Bineix ndwen 1 daengz 5, Baksaek Si gaenjndaet hop- heux souhaeuj moegbiu, doeng- gvaq ganq goekcaiz、 gyaak baujcang、 dazyinx cienzgoek yinyingz daengj fuengfap, souhaeuj cingzgvang haemq ndei, rengzrwd baujcang ginghci bingzonj baenqcienq, baujcang hwnjguh buek hanghmoeg youqgaenj he. Ndawde, daengx si caizcwng souhaeuj daengz 50.7 ik maenz, doengzbeij laisou 7.62 ik maenz, demmaj 17.68%, demfuk baiz daengx gih vih daihngeih.

(Cai Mingz)

●7 nyied 5 hauh, gyoengq bouxdaeuz ganbu Ningzmingz Yenveij Bangunghsiz bae daengz Mingzgyangh Cin Li’gyangh Cunh Mbanjli’gvah, “it doiq it、 naj doiq naj” vih 20 lai boux vunzlai、 ranzgungzhoj haiguh “cinjcing bangfuz+denswj sanghvu” dinfwngz mizyungh beizyin roengz mbanj hozdung, caenh’itbouh cienzdoh lajmbanj denswj sanghvu cihsiz, daezsang vunzlai guhhong yauqlwd, vih cinjcing bangfuz guenqroengz rengzhoengh moq.

(Couh Yizgangh Cwng Cunghswngh)

●7 nyied 7 hauh dwg “siujsawq” liggaeuq ngeihcib seiq ciet, ngamj bungzdaengz “ciet haeuxmoq” Beizsiu Cunh Anhdai Yangh Yungzsuij Myauzcuz Swciyen binaengz gvaq mbat haenx, vunzlai dangdieg banh aenvenz caij- dangz、rag gyong caeuq youq gyang raemx bengcag daengj conzdungj vwnzva hozdung, muengh haeuxgwn fungsou.

(Lungz Dauh)