Gaenh geij bi neix daeuj, Guengjsae cugyamq gyalai bangfuz gizdieg youqgaenj caeuq hothoh ceiq youqgaenj hwngfat saehnieb minzcuz vwnzva daengx gih, haenqrengz cauxlaeb aen gihci caizcwng baujcang ciengzgeiz mizyauq hwngfat saehnieb minzcuz vwnzva, doidoengh hwngfat saehnieb minzcuz vwnzva daengx gih.

It dwg mboujduenh gyalai gunghgung caizcwng yawhsuenq bauj- cang ligdoh. Ciuq gyoepsuenq, bi 2014-2016 daengx gih gunghgung caizcwng yawhsuenq vwnzva ceiok 218.6 ik maenz, ciemq 1.8% itbuen gunghgung yawhsuenq ceiok, bi bingzyaenz demmaj 1.8%, cujyau yungh guh doeksaed gij cwngcwz vwnzva guekgya caeuq swcigih, baugvat cienz bouxguhhong bouhmonz vwnzva ceiok caeuq cienhangh hwng- fat saehnieb vwnzva ceiok.

Ngeih dwg gaenxmaenx ceng’aeu cunghyangh caizcwng haeujcoengh. Ciuq gyoepsuenq, bi 2014-2016 cunghyangh caizcwng bued roengz ngaenzcienz hwngfat vwnzva Guengj- sae 25.85 ik maenz, bi bingzyaenz demmaj 11.96%, ndawde cienhangh anbaiz ngaenzcienz boujdiep hwngfat saehnieb vwnzva minzcuz vunznoix 11102 fanh maenz, mizyauq baujcang gij deihfueng daizbohrauh、 daiz- bohdinj、 camhdiemj gvangjbo densi mbanjmbanj doeng daengj saedhengz sihsinh gunghcwngz haenx mizyauq yinhcienj caeuq hong saedhengz gvangjbo densi byaij okbae gungh- cwngz、 haeujcoengh fanhoiz loegguh gvangjbo yingjsi cezmuz vah minzcuz vunznoix、coicaenh saw minzcuz vunz- noix okbanj daengj fuengmienh.

Sam dwg doed ok baujcang gij gizdieg youqgaenj hwngfat saehnieb minzcuz vwnzva. Doenggvaq haeuj- coengh hwnjguh aen dijhi fugsaeh gunghgung vwnzva daengx gih、 hwnjguh aen cungsim gunghgung fugsaeh cunh gaep、bouj lawhmoq saw ranzsaw nungzgyah daengj hanghmoeg, mboujduenh daezsang gij naengzlig baujcang fugsaeh gunghgung vwnzva dieg minzcuz. Habngamj bangbouj daengx gih 30 aen si yienh gvangjbo densi boqok gihgou gaenq boqcuengq cezmuz vah minzcuz caeuq fanhoiz loegguh、 cuengqingj denyingj vah minzcuz vunznoix haenx, gyavaiq gaijcauh gij sezbei yingjben fanhoiz loegguh vah minzcuz vunznoix, daezsang gij soq caeuq caetliengh yingjben fanhoiz loegguh vah minzcuz vunznoix, baujcang mizyauq gunghawj yingjben fanhoiz loegguh vah minzcuz vunznoix. Gyalai bangcoengh sinh- vwnz meizdij caeuq danvih okbanj loih minzcuz haenx, gyavaiq lawhmoq gaijcauh sezbei caeuq dinfwngz, daezsang saenqsikvaq suijbingz caeuq cienzboq naengzlig.

(Swcigih Minzcunghveij Vangj)