Daxmeh gou dwg boux lauxsae he, aenda de ginsi gig youqgaenj, gwnz giuzndaeng daep miz aen nganxgingq he, yawj hwnjbae gig miz saemaeg. Daxmeh ceiq gyaez doiq gou gangj sam coenz vah.

“Vaiq di, vaiq di, yaek daengzceiz lo.” Moix haet, gou cungj dwg youq sing daxmeh coi haenx hwnqcongz, soqlaiz mbouj daengzceiz gvaq. Daxmeh naeuz gou nyi, de moix ngoenz yaek caeuq hagseng ndaw ban dox- caez doegsawhaet, mbouj ndaej daengzceiz.

Daxmeh lij gyaez naeuz “mbouj ndaej”. Gou siengj gwn saejdaeuz, daxmeh naeuz “mbouj ndaej”; gou siengj guhcaemz youzhi ndaw soujgih, daxmeh naeuz “mbouj ndaej”; gou siengj yawj dungvaben, daxmeh lij naeuz “mbouj ndaej”.

“Vaiq di ninz” dwg coenz vah daxmeh moix haemh ceiq gyaez doiq gou gangj haenx. Gyanghaemh, baez gvaq 8 diemj cung, daxmeh couh doiq gou naeuz: “Vaiq di ninz, mboujnex ngoenzcog couh hwnq mbouj ndaej lo.” Gou gig vaiq dajswiq le, dingq sat aen goj he couh ninzndaek lo.

(ngeih nienzgaep Cau Vanjdungz)

Camgauj dapanq 《Naengz- lig Suenqsoq Linz Suh》: It vih soq miz 9 aen soqcih , song vih soq miz 90×2=180 (aen) soqcih, sam vih soq miz 401×3=1203 (aen) soqcih, itgungh yaek sij 1392 aen soqcih.