6 nyied 26 hauh banhaet, aen yizsi venjbaiz ndaej Guekgya Minzveij ancoh guh buek daihngeih “aen mbanj daegsaek siujsoq minzcuz Cungguek”haenx, faenbied youq aen gingjgih Guekgya Diegmbaeq Gunghyenz Lingzyinz Yen Lingzcan Yangh Haugunh Cunh Mbanjhaugunh caeuq Ya’gyaz Cin Lungfuz Cunh Mbanjlungfuz haenx gawjhengz. Baksaek Si Minzcunghveij、Lingzyinz Yenveij Senhconzbu、Dungjcanbu、Minzcuzgiz daengj bumwnz lingjdauj camgya hozdung.

Gaenh geij bi neix daeuj youq baihgwnz dangjveij cwngfuj caeuq minzcuz gunghcoz bumwnz daihlig haeujcoengh caeuq bangcoh lajde, Lingzyinz Yen cibfaen yawjnaek gij hong guh aen mbanj daegsaek siujsoq minzcuz haenx, nyinhcaen ciuq gij iugouz baujhoh caeuq fathoengh aen mbanj daegsaek siujsoq minzcuz neix, comz rengz、comz ngaenz、cingjhab swhyenz, roengzrengz dwkcauh aen mbanj daegsaek siujsoq minzcuz vwnzva minzcuz noengznwd, vanzging vunz youq ndei, minzcuz gvanhaeh doxhuz haenx, ndaej gij cingzyauq haemq ndei.(Lij Caijlanz/李彩兰)