6 nyied 30 hauh, Sanglinz Yen banh Guengjsae daihsaeq gaiq nungzminzgungh dinfwngz doxdax bonj yienh doxdax baezdaeuz, daengx yienh gungh miz 246 boux senjsouj camgya le hohleix lwgnding、fugsaeh bouxlaux、canghsae guhmienh、dajhanh、dajcaep、hong geuj ganghginh daengj 6 aen hanghmoeg, ndawde iek miz 80 boux senjsouj dwg daj ndaw hohgungzhoj guhdangj laebgaj daeuj, Sanhlij Cin Mbanjvwnzgi、Mbanjvangzmaj vunzhong gungzhoj Lanz Cinzyungj、Vangz Yencinh faenbied camgya le dajhanh caeuq canghsae guhmienh doxdax, cungj ndaej it daengj ciengj.

Ciuq cam rox, daj bi’gvaq haiguh banggungz gunggeng gvaqdaeuj, aen yienh neix gujli bouxguhhong daegbieg dwg boux vunzhong gungzhoj haenx daeuj camgya beizyin lij cingqcaen hag ndaej ginwngz, ndaej vaiqdi ra ndaej hong ndei le couh ndaej yungzheih vut gungz baenz fouq. Daengz 6 nyied 30 hauh, aen yienh neix gaenq cujciz haiguh guhdangj laebgaj boux vunzhong gungzhoj cizyez ginwngz beizyin 1703 vunz, ndaej daengz bonj cwng swhgwz cizyez cogaep guekgya 1040 vunz.

(Lanz Couh Yauz Lanz/蓝 洲 姚 岚)