●6 nyied 28 hauh banhaet, Dwzbauj Yen youq Cuzyungz Cin Nazlieng Cunh Mbanjnazleiz banh aen yizsi hawj baiz ancoh “aen- mbanj daegsaek minzcuz siujsoq Cungguek”, Mbanjnazleiz ndaej Guekgya Minzveij ancoh venjbaiz, yaek caenh’itbouh daezswng gij binjcaet caeuq mingzdaeuz aen- mbanj daegsaek minzcuz siujsoq Dwzbauj Yen, doiq doidoengh hong baujhoh caeuq hwngfat aenmbanj daegsaek minzcuz siuj- soq daengx yienh miz gij cozyung doidoengh guhyiengh youqgaenj.

(Nungz Yungjfang)

●Bi 2017 doxdaeuj, Gungh- cwngz Yauzcuz Swciyen haenq- rengz hwngfat ywdoj、 Ywyauz、 cauxlaeb “aen yienh mbouj miz bingh’aizcwng” daengj cangqheiq canjnieb hanghmoeg, bouxguhnaz dangdieg ndaej daengz cwngfuj sonyinx ndaem gak cungj ywdoj. Bouxguhnaz Gizsanh Cunh Gyah- vei Cin aen yienh neix hengz gonq sawq gonq, guh yiengngaih cimgiuj oenq、 caz mbawngaih daengj doxgaiq ciengxndang, guj- suenq bi canjliengh 300 dun、 canjciz 500 fanh maenz, daiq- doengh bouxguhnaz laisou baenz miz.

(Cwng Ciminj)

●6 nyied 28 hauh, aen yizsi hainduj bi 2017 vangjdoxlienz + ciet makgaivaiz Baksaek youz Baksaek Si Yinzminz Cwngfuj、 Ahlijbahbah Cizdonz、 Gingh- dungh Cizdonz、 Suhningz Yinz- sangh Cizdonz doengzcaez cawj- banh haenx youq Baksaek Yenz- bozyenz banh, hainduj le bi 2017 ciet “vangjdoxlienz + makgaivaiz Baksaek” baenzdauq hozdung, doenggvaq vangjdoxlienz + ciet makgaivaiz, fatok gijndei den- sangh bingzdaiz, haenqrengz guh ndei hong senhconz doigvangq caeuq youq gwnz bingzdaiz densangh gai makgaivaiz Baksaek.

(Yenj Yaujningz)

●Mboengqneix, aen hoih baij gai huq Guengjsae Daiz- vanh(Vahlenz) bi 2017 youq Namzningz Bakhuq haimuq. Baez hoih baij gai huq neix guh 3 ngoenz, yinx ndaej Daizvanh Vahlenz Yen caeuq ca mbouj geijlai bak aen giyez bonjdieg daiq cien lai cungj huq daeuj camgya baij gai, siminz mbouj byaij ok Namzningz couh ndaej cawx huq Daizvanh.

(Liu Siuli)