Gaenh bi neix daeuj, Yungzsuij Myauzcuz Swciyen Minzcunghgiz haenqrengz swnjcienz caeuq hwngfat conzdungj vwnzva maenhndei minz- cuz siujsoq, cingzcik yienhda.

It dwg yungh mbanj daegsaek minzcuz siujsoq guh caidij, bang doi swnjcienz hwngfat minzcuz vwnzva maenhndei. Gaenh bi neix daeuj, bued roengz ngaenzcienz cienhangh hwngfat minzcuz siujsoq, dajcauh baenz Yanghfwnj Yangh Yijbuz Cunh; Swyungz Yangh Dunghdenz Cunh Mbanjdenzdouz Mbanjmyauz、 Mbanjsiujdunghgyangh; Anhdai Yangh Beizsiu Cunh、 Yenzbauj Cunh daengj mbanj daegsaek minzcuz siujsoq guh daiqbiuj haenx, hwngfat le buek conzdungj dinfwngz minzcuz、 gijgwn minzcuz daengj daegsaek canjnieb he, swnjcienz caeuq baujhoh conzdungj vwnzva minzcuz siujsoq doengzseiz, coicaenh vunzlai gungzhoj minzcuz siujsoq dangdieg demsou baenz miz.

Ngeih dwg yungh ngoenzciet angqhoh hozdung minzcuz siujsoq guh cindi, langhbaij caeuq cienz minzcuz vwnzva maenhndei. Dajcauh baenz “ndwencieng Myauzcuz baenzdauq ciet bohoih”、 ndwenseiq cobet Myauzcuz、 ciet aenvenz max doxdik daengj buek ngoenzciet minzcuz binjbaiz he, rengzrwd senhconz caeuq langhbaij le conzdungj vwnzva maenhndei minzcuz siujsoq Yungz- suij、 mizyauq haifat caeuq hwngfat le ngoenzciet minzcuz lijyouz, mbouj- duenh doidoengh hwngfat minzcuz doxgiet cinbu saehnieb caeuq ginghci gwnzbiengz gak hangh saehnieb.

Sam dwg yungh minzcuz vwnzva haeuj hagdangz guh diemjcaphaeuj, gungganq swnjcienz caeuq fatyiengz minzcuz conzdungj vwnzva maenh- ndei. Hopheux minzcuz vwnzva maenhndei daegdiemj, yungh hag- dangz guh cawjdaez, haiguh gofoux minzcuz、 fwen minzcuz、 dijyuz minzcuz daengj sonhag hozdung caeuq saedhengz hozdung.

Seiq dwg yungh bujcaz sawgaeuq minzcuz guh fwngzgaem, doidoengh gohyoz yenzgiu caeuq yungh gij cingzgoj sawgaeuq minzcuz. Cienz- mienh haiguh hong bujcaz sawgaeuq minzcuz siujsoq daengx si, dawz Anhdai Yangh guh sawqdiemj bujcaz sawgaeuq minzcuz ndaw yienh, gyau 50 lai diuz bujcaz diuzmoeg, sawgaeuq vwnzyen swhliu cungjsoq daengz 690 lai cek, cungfaen fatok gij cozyung sawgaeuq minzcuz siujsoq doiq hwngfat minzcuz vwnzva haenx.

(Cinz Cunghdwz Veiz Yungzcunh)