Ndaw dangz suyoz, laux- sae hawj dou naemj baihlaj diuz daez neix baenzlawz gejdap.

Aen suenmak he ndaem miz makbingzgoj caeuq makleiz, go soq makbingzgoj dwg goleiz 3 boix. Goenglaux Vangz moix ngoenz dwk bwnh hawj gobingzgoj 50 go caeuq goleiz 20 go. Gvaq geij ngoenz le, goleiz cienzbouh dwk bwnh liux lo, gobingzgoj lij miz 80 go caengz dwk bwnh. Gobingzgoj caeuq goleiz gak miz geijlai go?

Doeg sat diuz daez neix, gou raen gej diuz daez neix ceiq youqgaenj dwg gouz ok goenglaux Vangz dauqdaej dwk bwnh geijlai ngoenz. Sawqmwh, ndaw uk gou baez myab, gou rox baenzlawz guh lo——yungh “fapgyajsiet”.

Go soq makbingzgoj dwg goleiz 3 boix, danghnaeuz gyoengqde dwg doengz ngoenz ndeu dwk bwnh sat, goleiz moix ngoenz dwk 20 go, gobingzgoj couh wnggai moix ngoenz dwk bwnh 20×3=60 (go). Saedcaeq dwg, gobingzgoj moix ngoenz dwk bwnh dwg 50 go, caeuq gyajsiet haenx doxbeij, moix ngoenz noix dwk bwnh 60-50=10 (go).

Aenvih gomakbingzgoj doeklaeng lij miz 80 go caengz dwk bwnh, ndaej rox goenglaux Vangz dwk bwnh seizgan dwg 80÷10=8 (ngoenz). Daj neix ndaej rox gobingzgoj dwg 8×50+80=480 (go), goleiz dwg 20×8=160 (go).

Lauxsae yawj gij fapgej gou le, haenh gou gyaez doengh uk ne.(Liuz Swjyiz)