Muengh sevei hozndi(huzndei),

Gizgiz gangj vwnzmingz,

Gwnzbiengz hoengheiq singj,

Ngoenzcog dingh ronghsag.

Laeb huzndei sevei,

Ngeix daengz gij vwnzmingz,

Raen bouxlaux aeu gingq,

Gangjvah sing aeu unq.

Fanh saeh hauq daih’it,

Mbouj ndaej vit bouxlaux,

Bouxlaux dwg dijbauj,

Ndang cangq bau hongranz.

Bouxlaux guh mbouj ndei,

Ceiq ndei sim mbouj ienq,

Menhmenh sing unq gienq,

Yienznaeuz aiq dou deng.

Lwgnyez lij iqoiq,

Moix ngoenz aeu gyaezganq,

Guh ndei wng doq danq,

Banlaux guh yienghndei.

Youq baihrog guh saeh,

Gij leix raeuz ndaej rox,

Luenh citien maz goj,

Doh neix aeu haeujsim.

Byaij youq gwnz haw seiz,

Ceijrwix rox gvamqmak,

Vit aeu fwngz dawz dap,

Bouxboux ak seuqcingh.

Daengz gwnz gai gwnz haw,

Dauqcawq luenh biq myaiz,

Youq dangqnaj vunzlai,

Vaih naj daengz bohmeh.

Gangjvah mbouj vwnzmingz,

Vwnz dingz cim mbouj dij,

Seizneix mbouj caiq iq,

Gij dauhleix aeu rox.

Baizdoih dwg vwnzmingz,

Dingz vunz yaek hwnj bez,

Bouxboux henz dah deq,

Ndwn geh mbouj doxciengj.