6 nyied 16 hauh, youz Ningzmingz Yen Fulenz、Fuzbinzban guhdaeuz gawjbanh le beizyin baenzfouq gohgi banggungz nem “gohgi yinx sienq doxiu yienzndei” lenzyiz hozdung. Beizyin lenzyiz hozdung aeu hingzsik camguen daejniemh haiguh, 46 boux sai mbwk caengz baenzgya daibyauj daj gak aen yanghcin daeuj haenx camgya le aen hozdung neix.

Ngoengz hozdung he roengzdaeuj, hawj gyoengq sai mbwk daibyauj caengz baenzgya haenx youq ndaw hagsib、 gyaudamz、 guhhong、 guh’angq caenh’itbouh doxrox, demhaeuj miz cingzngeih, sawj gyoengqde gaenq hag ndaej bonjsaeh gohgi baenzfouq, youh ndaej souhaeuj le youxcingz、aicingz, vih giet yienzndei、saedyienh vut gungz vut dog dwk ndei giekdaej.

(Couh Yizgangh Vangz Fungcinh/周贻刚 黄凤珍)