6 nyied 12 hauh, Dava Yauzcuz Swciyen Luzyej Yangh Cunhgvei Cunh Cunhgvei Siujyoz ndaw gyausiz sam nienzgaep, ciengz gamjdoengh ndiepgyaez hoenghhwd ngoengzseng he cingq youq gizneix guh.

Ciuq cam rox, daj haiguh hong cingcinj banggungz gvaqdaeuj, Dava Gunghlugiz gaenxmaenx dawz hong banggungz caeuq lozsiz gaep baihgvwnz vih hong lwgnyez caengz baenz vunzhung haenx banh hong saeh ndei saeh saedcaeq giethab hwnjdaeuj, haeujlaeg bae liujgaij lwgnyez ndaw ranz hohgungzhoj daegbied dwg cingzgvang gvaq saedceij caeuq hagsib lwgnyez louzyouq, ndaej bang couh caenhliengh bang gyoengqde gaijgez saedsaeh gunnanz.

Bineix gvaqdaeuj, itgungh yiengq hagdangz mbanj gungzhoj gien daehsaw 94 aen、buhvaq yinzdung 42 dauq, habvwnzgi、dijyuz doxgaiq daengj gyaqcienz dij miz 3000 lai maenz, lij yiengq hohgungzhoj soengq haeux、youz、denz daengj doxgaiq gvaq saedcaej dij miz 4.96 fanh maenz yienghneix.

(Veiz Canghyoz Vangz Yi’gvei/韦昌学 黄玉桂)