Boux vunz gou ceiq gyaez haenx dwg daxboh.

Daxboh gig gaenx. Dingzlai ranz hongranz cungj dwg dax- meh guh, ranz gou cix dwg daxboh guh lai. Daxboh moix baez roengzban dauqma, couh cawjdoengh guh hongranz, lumj cawj haeux cawj byaek、uet conghcueng uet daiz. Moix baez gwn haeux le, de couh ciengj bae swiq vanj, gij haiz caeuq mad de mbouj hawj daxmeh saeg gvaq.

Daxboh cingdoeng den- nauj. Dennauj doengzsaeh ndaw danhvei caeuq dennauj ndaw ranz baengzyoux vaih le, cijaeu dwk dienhvah hawj daxboh, de couh sikhaek ganj bae coih. Miz baez ndeu, ndaw siujgih dou miz ranz he dennauj vaih lo, bohmeh caengz dauqma ranz, boux lwgnyez cib bi caeuq daxgoeng de youq rog siujgih gip dwk caj bohmeh lwgnyez dauqma. Gij cingzgingj neix deng daxboh yawjraen lo, de sikhaek hwnjbae cam dwg maz cingzgvang. Dax- goeng naeuz: “Dennauj ndaw ranz vaih lo, lwgnyez lij miz cozyez gwnz vangj yaek guh ne!” Daxboh sikhaek heuh daxgoeng daiq loh, daengz ranz de baez yawj, laxlawz dwg dennauj deng binghdoeg lo. Aenvih dennauj ranz daxgoeng deng binghdoeg daiq youqgaenj, daxboh cij ndei dauq cang hidungj hawj de. Dennauj coih ndei le, daxboh lij louz dienhvah hau- maj hawj daxgoeng, naeuz:“Baezlaeng dennauj vaih le, couh daeuj ra gou!”

Neix couh dwg daxboh gou ceiq gyaez haenx——boux vunz swnhsienh gaenxguh、gyaez bang vunz he.

(haj nienzgaep Ciz Feihsiengz)