5 nyied 24 hauh, Ningzmingz Yen Mingzgyangh Cin Fungvangz Cunh Banghfu Swnghdai Nungzminz Conhyez Hozcozse lijswcangj Vwnh Gohgenz caeuq seyenz itheij nyaeb nyod’oiq lazmuz.

Lazmuz daj Yindu daeuj, ndaej guh ywyungh caeuq ciengxndang, caeuq sihyangzsinh Meijgoz、lingzcih Cungguek gyonj heuhguh sam bauj seiqgyaiq. Dangqnaj Fubangh hozcozse ndaem miz lazmuz 100 moux, majdingh moix moux cingh- souhaeuj ndaej dabdaengz 1.3 fanh maenz, gaenq miz 8 ranz gungzhoj gya haeuj hozcozse ndaem lazmuz lo.

Lumj ndaem lazmuz doengh cungj canjyez daegsaek neix, Ningzmingz Yen lij miz cazvagim、lingzcihndaem、ginhcenzcauj、mouduenh、gvifw、rwi、gaeqrang batgak daengj daegsaek ciengxndaem nungzminz conhyez hozcozse 80 lai aen, gyoengqde gaenq baenz rengzdoi dangdieg vunzlai gungzhoj saedyienh cingcinj vutgungz lo.

（Couh Yizgangh/周贻刚）