5 nyied 21 hauh, Hah’wjbinh Gunghyez Dayoz Gozci Gyauyuz Yozyen Gu Gencwng yencangj buek vunz ndeu 28 boux, daeujdaengz Ginhsiu Yauzcuz Swciyen guh le“Hahgungh dasingh—Cungguek caeuq guekrog hagseng Gvangjsih Ginhsiu banggungz bangson hozdung”. Ndawde miz 12 boux guekrog hagseng daj Yinghgoz、Ngozlozswh、Bwzngozlozswh、Gyahnazda、Audaliya daengj 12 aen guekgya louzhagseng daeuj. Aen hozdung neix guh aen singhgiz ndeu.

Youq ndaw hozdung, Hahgunghda lauxsae hagseng ndaw guek guekrog bae daengz Ginhsiu Minzcuz Gauhcungh、Minzcuz Cunghyoz、Minzcuz Siujyoz daengj hagdangz caeuq dangdieg hagseng naj doiq naj gyaulouz, vanzlij caeuq gyoengq hangseng dangdieg guh lai cungj lai yiengh lienzvuen hozdung.

Ciuq cam rox, daj 2016 nienz gvaqdaeuj, Hah’wjbinh Gunghyez Dayoz dawz Ginhsiu Yauzcuz Swciyen guh dingh diemj bangrex danhvei. Gozci Gyauyuz Yozyen gaenxmaenx wngqhan yozyau haucau, dawz bangson hozdung cangzdaiva、gihciva, vih Ginhsiu caeuq seiqgyaiq gak dieg gaq diuz giuz doxdoeng he.

（Vangz Siufung/黄秀凤）