●5 nyied 29 hauh, Liujcouh Si banh aen cawjdaez dwg “cuengq mbin simmuengh angqyangz majhung”“roek it” saedyienh simmuengh hoz- dung, ndaej daengz boux simndei gak hangz ndawbiengz bangcoh, 105 boux lwgnyez ranz gungzhoj daj Cinglanz Siujyoz daengj 11 aen hag- dangz aen si neix daeuj haenx saedyienh le aen simmuengh “roek it” bonjfaenh.

(Liz Hanzciz)

●5 nyied 27 hauh, Sanhgyangh Dungcuz Swciyen Gozsuigiz daengz Liengzgouj Yangh Caidangz Cunh Siujyoz aen yienh neix haiguh gien cienz bang hag hozdung, soengq buhhagdangz、 doxgaiq dijyuz yungh caeuq cienz- banghag daengj doxgaiq sim- ndei “roek it” ca mbouj lai dij fanh maenz he bae hawj gyoengq lauxsae hagseng aen hagdangz neix, caemhcaiq doenggvaq “suifaz goqdangz” yiengq lwghag mbanjbya senhconz yingzyezsui gaij cwnghcizsui cihsiz.

(Liengz Bingh Gungh Bujgangh)

●5 nyied 28 hauh, gyoengq guen bing Ningz- mingz Yen Bienfuengz Dadui Naznanz Henzguek Genjcaz- can byaij haeuj ndaw vunzlai bae yiengq gyoengqde gej- gangj fanj gungjbu cihsiz、 fuengz gungjbu cangzsiz daengj, mizyauq gyagiengz le gij yisiz fanj gungjbu、fuengz gungjbu vunzlai, vih henhoh diegyouq ancienz onjdingh, dajcauh bingzan huzndei henzguek dwkroengz le giek- daej maenh.

(Couh Yizgangh Yangz Genj)

●Mboengqneix, Yungz- suij Myauzcuz Swciyen haiguh gohgi dwzbaiyenz beizyin daengz mbanjrungh hozdung, 60 lai boux gohgi dwzbaiyenz daj swcigih、 si、 yienh daeuj haenx bae daengz Ranzmyauz Mbanjdung son’gyauq ranz- gungzhoj guh dajndaem、 dajciengx caeuq densangh daengj fuengmienh, caemh- caiq yienhciengz haiguh gohgi camcaz fugsaeh, bang doi cinjcing vut gungz.

(Lungz Linzci)