Fangzcwngzgangj Si Gangjgouj Gih yungh lai cungj banhfap doeksaed minzcuz cwngcwz, hengzguh minzcuz hanghmoeg, saedyienh le minzcuz doxgiet huzndei.

Bi 2016 doxdaeuj, aen gih neix yungh ndei gij ngaenz hwngfat siujsoq minzcuz, gonqlaeng bued roengz 123 fanh maenz coih caeuq gyahwnq le Vangzfuj Gaihdauban Gunghceh Cunh Roen Lungzmwnz daengz Suij- veij Cuj roenloh dajndongj gungh- cwngz、Vangzfuj Gaihdauban Bwzsah Cunh Roen Vanzdauj daengz Vahcen Cuj roenloh hwnjguh gunghcwngz daengj, gungh coih roenloh 4.1 goengleix, mizyauq gaijndei le gij diuzgienh ok rog vunzlai dieg siujsoq minzcuz.

Aen gih neix yungh ndwen senhconz minzcuz doxgiet guh seiz- heiq, youq gihgvanh、 segih、 lajmbanj senhconz minzcuz doxgiet cwngcwz, doenggvaq haiguh “sam nyied sam Bouxcuengh” haeuj hagdangz hoz- dung、 “sam nyied sam Bouxcuengh” minzcuz vwnzva hozdung caeuq hoih- fwen “sam nyied sam”, caeuq haiguh minzcuz faplwd fapgvi daengj baenz- dauq hozdung, yiengq vunzlai fat ceksaw senhconz minzcuz doxgiet. Doengzseiz, haenqrengz guh ndei hong baizcaz hawsingz gij vunz siuj- soq minzcuz riuzdoengh daj rog daeuj caeuq gij vwndiz yingjyangj minzcuz doxgiet haenx, yiemzsuk cawqleix gak cungj hingzveiz famh faplwd ciemq- haih leih’ik siujsoq minzcuz haenx.

(Lij Linzyaz)