Daxboh mboengqneix aiq dwg yungh uk daiq lai lo, gwnz gyaeuj maj ok haujlai byoemhau, sawj de gig nyap- nyuk.

Ngoenzsinghgiz, gou caeuq daxboh daxyaeng, gou bang daxboh ciemz byoemhau, ciemz diuz byoemhau ndeu ndaej gak cienz he, doxboh doengzeiq lo. Ciep ndaej bit seng’eiq mbouj yungh bonj neix, gou angq raixcaix. Yienghneix, gou ganj- gip bae ra fagnep ciemz bwnda daxmeh daeuj bang daxboh ciemz byoemhau. Ciemz le haujlai nanz, gou ciemz ndaej le cib geij diuz byoemhau. Cingq youq gou yaek laebdaeb ciemz roengzbae, daxboh sawq- mwh naeuz:“Gvaiz lo, ngoenz- cog caiq ciemz ba.” Gou yienz- naeuz caengz gvaqyinx, hix cijndei dingz roengzdaeuj lo.

Ngoenz daihngeih, baez raen daxboh roengzban ma daengz ranz, gou couh sikhaek gvaqbae, iugouz laebdaeb ciemz byoemhau. Daxboh saenzmaed dwk naeuz:“Ndei ha! Haemh- neix mwngz danghnaeuz ciemz ndaej diuz byoemhau ndeu, gou couh hawj mwngz sam maenz ngaenz!” “Va, fatcaiz lo!” Gou dawz fagnep doq youq gwnz gyaeuj daxboh ra byoemhau. Hoeng gou biengj bae biengj dauq, dawz gij byoem daxboh biengj ndaej luenhnyaunyau, cungj ra mbouj raen saek diuz byoemhau. Geizgvaiq lo, gij byoemhau haemhlwenz lij miz haenx bae gizlawz lone? Gou ndawsim ngeizngwd, doiq daxboh naeuz:“Boh, gij byoemhau mwngz bae gizlawz lone?” Dax- meh yawjyawj le, riu naeuz: “Boh mwngz nyumx byoem ndaem lo, dangyienz mbouj miz byoemhau lo.” Daxboh doek- laeng nyaenx mbouj ndaej riuhaha lo.

Gvaiq mbouj ndaej daxboh gamj naeuz ciemz ndaej diuz byoemhau ndeu hawj sam maenz ngaenz. Hw, daxboh caen maetmi!

(sam nienzgaep Cangh Mingzyi)