●Mboengqneix, Lingz- yinz Yen Cauzlij Yauzcuz Yangh Minzyau hai aen ban son’gyauq Heiqcuengh, aen cawjdaez dwg “swnjcienz minzcuz vwnzva·fatyiengz gyaezguek cingsaenz” haenx, neix dwg aen banhfap aen yienh neix vih caenh’itbouh hoenghvuengh sevei cujyi vwnzyi, fatyiengz Cunghvaz conzdungj vwnzva maenhndei he.

(Vangz Yenzyungz Bi Cujbauj)

●5 nyied 19 hauh, Bingzgoj Yenveij、 Cwngfazveij gaenxmaenx cujciz yienh cwngfaz gak bumwnz、 gven- daengz cunghci hen onjdingh cwngzyenz danhvei haiguh aen hozdung comz senhconz cwng- faz cunghci bi 2017 Bingzgoj Yen, hozdung hopheux aen cawjdaez senhconz “giengzvaq fapceih hwnjguh caezlaeb bingzan gyaranz”, cietsaed haiguh hong senhconz bingzan hwnjguh、 gimqdoeg doi doj、 fuengz mbouj cingqdangq fanj mbouj cingqdangq、 henhoh dietloh daengj.

(Veiz Caijlu)

●5 nyied 18 hauh banhaet, Namzningz Si Vuj- mingz Gih gaiq daihhaj “ngoenz goenghai cwngvu” senhconz hozdung youq singzgih vwnzva cungsim gvangjcangz banh, hozdung seiz, yungh senhconz canjbanj、 fat mbawdan senhconz、 yienhciengz gejdap daengj lai cungj fuengsik, doengzseiz yienhciengz daezhawj faplwd bangcoh camcaz、 cwngcwz camcaz、 banh saeh camcaz fugsaeh daengj.

(Banh Veicwngz)

●Bineix daeuj, Ningz- mingz Yen Gungh’anhgiz dawz dauqcungz guh、 cang monz- baiz dangguh “minzswngh gunghcwngz” aen neiyungz youqgaenj he daeuj ca ndei doeksaed. Daj 5 nyied 2 daengz 18 hauh, Cwngzcungh Baicuzsoj aen yienh neix cujciz minzgingj、fujgingj gungh vih vunzlai cang monzbaiz moq 1800 gaiq, ndaej daengz gyoengq vunzlai haenhndei.

(Couh Yizgangh Lij Cozyenz)