Gaenh bi neix daeuj, Nanzdanh Yen dawz gaemndei hong baujhoh swnjcienz feihvuzciz vwnzva yizcanj dangguh hangh banhfap youqgaenj fatyiengz minzcuz conzdungj vwnzva、 daezsang vwnzva neihanz、 fungfouq cingsaenz vwnzva saedceij gyoengq vunzlai he, yungh banhfap ndei, bang doi hong baujhoh swnjcienz feihyiz cingqciengz guh.

It dwg dap aen bingzdaiz guhhong. Laebbaenz aen cungsim baujhoh swnjcienz feihvuzciz vwnzva yizcanj, rapdawz hong diucaz、 baujhoh、 swnjcienz、 comzyienj daengj feih- vuzciz vwnzva yizcanj daengx yienh. Doengzseiz, guhbaenz aen bozvuz- gvanj swnghdai Bwzguyauz Lijhuz, aen gihdi langhbaij comzyienj ndangdaenj Yauzcuz、mbanjguh- yiengh baujhoh swnghdai vwnzva aennyenz、 ranzgoepgvej daengj buek ciengzdieg caeuq bingzdaiz youqgaenj langhbaij feihvuzciz vwnzva yizcanj he, vih hong baujhoh swnjcienz feihvuzciz vwnzva yizcanj dwkroengz giekdaej maenh.

Ngeih dwg guh ndei hong bauq bujcaz feihvuzciz vwnzva yizcanj. Yawjnaek gyaak hwnjguh guekgya、 swcigih、 si、 yienh seiq gaep feihvuzciz vwnzva yizcanj daiqbiuj- singq mingzloeg caeuq hong hwnjguh aen dijhi bouxswnjcienz. Seizneix, daengx yienh gungh miz 4 hangh feihvuzciz vwnzva yizcanj liedhaeuj guekgya gaep baujhoh mingzloeg, 9 hangh liedhaeuj swcigih gaep baujhoh mingzloeg, 4 hangh liedhaeuj si gaep baujhoh mingzloeg, linghvaih miz 85 hangh liedhaeuj yienh gaep baujhoh mingzloeg. Gungh gungganq 11 boux bouxswnjcienz daiqbiujsingq feih- vuzciz vwnzva yizcanj.

Sam dwg gyaak baujhoh bouxswnjcienz. Doenggvaq banh ban son’gyauq feihyiz hanghmoeg caeuq haiguh feihvuzciz vwnzva yizcanj haeuj hagdangz hozdung caeuq minzsuz hozdung, fatok gij cozyung bouxswnjcienz feihyiz, baujhoh swnj- cienz feihvuzciz vwnzva yizcanj, gungganq bouxswnjcienz moq. Seiz- neix, gaenq youq Nanzdanh Yen Daih’it Siujyoz、 Nanzdanh Yen Daihngeih Gauhcungh、 Lijhuz Yauz- cuz Yangh Cungsim Siujyoz daengj hagdangz haibanh ndangdaenj Yauz- cuz、 foux aennyenz、 dwkgyangq caeuq foux goepgvej daengj minzsuz conzdungj vwnzva caeuq ban son- gyauq dinfwngz conzdungj. Binaengz doenggvaq banh “sam nyied sam Bouxcuengh” baenzdauq hozdung, leihyungh ciet goepgvej、 ciet gingq- vaiz、 ciet gaibi Bwzguyauz daengj minzsuz hozdung, langhbaij gij cingzcik baujhoh swnjcienz feihvuzciz vwnzva hawj gak hangz ndawbiengz, aeundaej yaugoj ndei, ndaej daengz vunzlai gak cuz haengjgyaez.

(Denz Siyenj Yangz Caijyenz)