●5 nyied 3 hauh, Guengjsae Swhfan Yozyen Codaengj Gyauyuz Yozyen Lij Meijcenz、 Bungz Ginj song boux lauxsae neix, bae daengz Namzningz Si Vujmingz Gih Gingloz Siujyoz、Cunghgyauz Siuj- yoz song aen hagdangz neix, doiq 2015 gaep ban Cuengh Gun song vah saw sizsiz hagseng guh gij hong dauqcunz diuyenz, doengz- caez guh ndei hong gungganq lauxsae Cuengh Gun song vah saw.

（Luz Gyahyen/陆佳艳）

●5 nyied 14 hauh, gyoengq vunzmbanj Gungh- cwngz Yauzcuz Swciyen Gyahvei Cin Daibingz Cunh gag cujciz ciengz hozdung gyo’mbaiq dax- meh he, caez ciemmingz hauq bohmeh, bang daxmeh swiq baez din he, yiengq daxmeh nyienh baez loek he, yungh neix fatyiengz daudwz ndei Cunghvaz.

(Couh Binjciuh Vangz Swnghgaij)

●5 nyied 7 hauh, Dasinh Yen Wnhcwngz Yangh Segih Mbanjnazvang banh ciet minzsuz vwnzva gaiq daeuz, diuq fouxsaux、 guh ceiz daengj minzsuz vwnzva hozdung lai cungj lai yiengh caeuq gijgwn ndei daegsaek Mbanj- cuengh yinx ndaej haujlai vunzmbanj mbanj henz- gyawj caeuq hekyouz daeuj daejniemh youzcet.

(Cinz Civanj)

●Mboengqneix, beix- nuengx Yizcuz Lungzlinz Gak Cuz Swciyen youq Mbanjdangzsiz Dwzngoz Cin banh aen yizsi hai mbaet cazgeq cwx cien bi haenx. Gyoengq vunzlai Mbanjdangzsiz caeuq mbanj henzgyawj daengj 3000 lai boux camgya aen yizsi neix.

(Dauz Dwzgvangh)