5 nyied 9 daengz 10 hauh, Swcigih Minzcunghveij diuyenzcuj Liengz Gvei- yingz daengj bae daengz Gunghcwngz Yauzcuz Swciyen, guh minzcuz vwnzva gyauyuz ciendaez diuyenz.

Diuyenzcuj gonqlaeng gaujcaz le Bambuenzvuengz Gunghcwngz、 Gungh- cwngz Minzcuz Cunghyoz、 Lenzvah Cin Mbanjaijcai, caemhcaiq dingq le gij bauqlwnh gihbwnj cingzgvang gaenh bi neix Gunghcwngz haiguh minzcuz vwnzva gyauyuz、 miz hojnanz caeuq yamqlaeng guhhong lohnaemj haenx.

Diuyenzcuj cungfaen haengjdingh gij cingzcik Gunghcwngz hwngfat siujsoq minzcuz vwnzva gyauyuz aeundaej haenx, nyinhnaeuz Gungh- cwngz hwngfat moegbiu mingzbeg、 lohnaemj mingzbeg、 cingzcik yienhda. Doengzseiz doiq Gunghcwngz gyavaiq hwngfat siujsoq minzcuz vwnzva gyauyuz daezok sam diemj iugouz: It aeu ca diemjrongh, mbouj ndaej gapngangz ciuq guh, caeuq aen yienh Yauzcuz wnq doxdoengz; ngeih youq “cinjcing bangfuz” beigingj hung neix, yiemzgek ciuq iugouz caeuq cwngzsi anbaiz yungh gij ngaenzcienz haeujhag cienhangh boujdiep hagseng siujsoq minzcuz maenhndei daegbied gungzhoj; sam aeu gyaak bangfuz hong baujhoh caeuq swnjcienz lajmbanj minzcuz vwnzva, dajcauh gij vwnzva gyauyuz binjbaiz gig miz minzcuz daegsaek Gunghcwngz haenx.

(Gyangh Dauh/江 滔)