●4 nyied 30 hauh, gyoengq vunzmbanj Sanh- gyangh Dungcuz Swciyen Liengzgouj Yangh Hozlij Cunh cingq youq ndaw naz guh hong. Ngoenzgyaj “haj it” geizgan, aen yienh neix laebdaeb guh seizcin daj- ndaem dieg haeuxnaz, boux- guhnaz dangdieg ciengj ca seizhong, gaenxmaenx guh hong ndaem gyaj hoh gyaj, vih haeuxnaz fungsou dwk ndei giekdaej.

(Vuz Lenyinh)

●4 nyied 30 hauh, youq Yungzsuij Myauzcuz Swciyen Dalang Cin Lijliengz Gujau Hozcozse, boux nungzgiyenz he cingq son’gyauq seyenz dinfwngz ciep raetmoegngaex. Bineix daeuj, aen yienh neix yungh gij vunqsik bangfuz “dangjcihbu+hoz- cozse+ranzgungzhoj”, yinx- lingx ranzgungzhoj hwngfat raetmoegngaex、 lingzcih、 gaeqdoj、 bit daengj daegsaek canjnieb, coicaenh boux- guhnaz laisou baenz miz.

(Lungz Linzci)

●4 nyied 28 hauh ban- haemh, Gunghcwngz Yauzcuz Swciyen Cungjgunghvei banh “haj it” cizgungh vwnzyi vanjvei. Haemh haenx, 160 lai boux bouxguhhong itsienq daj gak hidungj、 gak diuz cansen aen yienh neix daeuj haenx gag bien gag yienj 19 aen cezmuz camgya yienjok, yungh gij vwnzyi hingzsik lai cungj lai yiengh, biujdap le gij gietsim swnjcienz cingsaenz bouxguhhong、 gyaez gangjvei gyaezhong, ciengj gonq ceng ndei.

(Cwng Ciminj)

●4 nyied 25 hauh, Denhdwngj Yen haiguh minz- cuz doxgiet naenghdamz cam- nai hozdung, lwnh gij cingz- gvang hong minzcuz cungh- gyau daengx yienh, gvangq- langh cam gij yigen caeuq genyi camnai doiqsieng doiq hong minzcuz cunghgyau daengx yienh haenx, caemh- caiq fat ngaenz camnai hawj 12 boux camnai doiqsiengq daj vwnzva bumwnz、 cangh- fwen ndawbiengz、 diemjguh- yiengh hong minzcuz daengj 12 aen danhvei daiqbiuj daeuj haenx.

(Vangz Soujgih)