Gaenh bi neix daeuj, Guengjsae yungh lai cungj banhfap genhciz haifat caeuq baujhoh caez guh, cauxguh lijyouz binjbaiz, bi 2017 geiqdoh nduj, gak gingjgih gingjdiemj daengx gih gyoebsuenq ciepdaih bouxhek 10.62 fanh vunzbaez, saedyienh yingzyez souhaeuj 545.64 fanh maenz, doengz- beij faenbied demlai 58% caeuq 126%.

It dwg doicaenh gingjgih daez- sang gaijcauh, haifat minzcuz vwnzva lijyouz hanghmoeg. Cungfaen vatcimh gij minzcuz daegsaek yenzsu Liujcouh Si Sanhgyangh Dungcuz Swciyen caeuq Hozciz Si Bahmaj Yauzcuz Swciyen daengj dieg, haenqrengz bangcoh minzcuz daegsaek vwnzva dangdieg, baujhoh fungcingz mbanj- ranz. Haenqrengz haifat “ngonz byadah Guengjsae, yawj minzsuz Guengjsae, cimz gijgwn ndei conz- dungj, eu fwen minzcuz” daengj gij minzcuz vwnzva lijyouz binjbaiz gig miz minzcuz daegsaek Guengjsae haenx, doiok gij doxgaiq lijyouz fung- cingz minzcuz minzsuz aeu gaujcaz minzcuz vwnzva、 daejniemh minzsuz saedceij caeuq camgya minzcuz vwnz- dij guh’angq hozdung guh cawjdaez haenx.

Ngeih dwg swnjcienz conzdungj dinfwngz, baujhoh binjbaiz minzcuz Guenjgsae. Aeu conzdungj dinfwngz caeuq yisuz daihneix dox giethab, haifat Guengjsae daegsaek gungh- yibinj、 doxgaiq dujdwzcanj, doiok huq binjbaiz lijyouz daegsaek Guengjsae. Gaenh bi neix daeuj, laebdaeb bued roengz 1500 lai fanh maenz ngaenz- cienhangh guh swnjcienz、 baujhoh caeuq haifat dinfwngz daemj man minzcuz Guengjsae, sezgi haifat ok gij doxgaiq geiqniemh caeuq laex binj- cungj lai yiengh、 loihhingz caezcienz, binaengz haifat doxgaiq moq 20 cungj doxhwnj caemhcaiq caux okdaeuj, gonqlaeng miz 40 lai aen hanghmoeg ndaej swngjbu gaep gohgi cinbuciengj caeuq doxgaiq moq bakvaciengj.

Sam dwg cauxguh vwnzva cingbinj gunghcwngz, fatyiengz Guengjsae daegsaek yinzvwnz yisuz. Haenqrengz cauxguh Mbanjdung vwnzva gungh- cwngz cingbinj Dungcuz fungcingz daihhingz saedgingj yienjok, ndaej- daengz bouxhek angqcoux. Haenq- rengz haiguh Sanhgyangh rongzroeg “bak cien fanh” lijyouz cunghab hanghmoeg hwnjguh, haifat “ngaiz- bakranz、 cien hoh doxdax aenvenz、 fanh vunz yawj doxdax dinfwngz” daengj daegsaek lijyouz minzcuz fungcingz hanghmoeg, hawj bouxhek ndaej daejniemh minzcuz fungcingz Mbanjdung.

(Swcigih Minzcunghveij Vangj)