Daj gou haeujhag, roxnaj le haujlai doengzhag. Seizneix gou couh daeuj haenhhaenh doengzhag ndei gou——Siujnganz ba!

Siujnganz beij gou sang di, doiq da daegbied rongh, byoemgyaeuj ndaemndat, baez riu aennaj couh miz song aen cenjlaeuj, gig dwggyaez.De gig coengmingz, moix baez gaujsi,yijvwnz caeuq suyoz cungj dwg ndaw nienzgaep daih’it.

Miz baez ndeu, lauxsae ok daez hawj daihgya gauj, lij daezsingj naeuz：“Mbaw sigienj neix miz di nanz, cingj daihgya nyinhcaen bae dap daez.”Ngoenz daihngeih, sigienj fat roengzdaeuj lo, Siujnganz youh ndaej 100 faen.

Baez ndeu, gou deng diuz daez suyoz ndeu gaz youq lo. Gou naemj bae naemj dauq, ukgyaeuj cungj in lo, lij naemj mbouj ok dwg baenz- lawz guh. Cingq simgip seiz,Siujnganz byaij gvaqdaeuj, riu dwk cam：“Lauxdoengz, mwngz deng gij- maz daez gaz la?”“Nanzdauh mwngz rox guh?”Gou cam naeuz.“Dangyienz lo, dingq gou gangj ba!”Siujnganz bek najaek naeuz. Yienz- haeuh, de couh nyinhcaen gangjgej:“Gizsaed gig yungzheih, sien aeu song aen soq doxgya, caiq yungh aen soq neix……”Siujnganz naihsim dwk baez youh baez son gou,cigdaengz gou rox bae. Gou mbouj ndei eiqseiq naeuz: “Dohcih mwngz,Siujnganz.”“Mbouj yungh docih, baengzyoux ndei couh dwg dox- bang.”

Neix couh dwg baengzyoux ndei gou——Siujnganz, de mboujdan hagsib cingzcik ndei, lij gig gyaez bang doengzhag.

（指导老师：覃珍团）