Bi 2016 doxdaeuj, Yungzsuij Myauzcuz Swciyen maenhmaenh gaemdawz aen cawjdawz “gak minzcuz doengzcaez doxgiet haenqguh, doengz- caez hoenghvuengh hwngfat”, haenq- rengz haiguh hong cauxlaeb minzcuz doxgiet cinbu.

It dwg yawj ndei moegbiu mbouj cuengqsoeng. Gak danhvei yiemzgek ciuqei nienzdoh guhhong moegbiu yinvu, caenh’itbouh guh saeq gak hangh hong caeuq dajveh anbaiz, saeqsim cujciz doeksaed, maenhmaenh gaemdawz aen gienz cawjdoengh hong cauxlaeb minzcuz doxgiet cinbu, gaenxmaenx cawjdoengh haiguh minz- cuz doxgiet cauxlaeb hozdung, bauj- maenh gak hangh hong guh daengz dieg bae.

Ngeih dwg doed ok cauxmoq. Yungh gij swhveiz cauxmoq doicaenh hong minzcuz doxgiet doeksaed, guh hong seiz yawjnaek cauxmoq, yawjnaek caeuq hong ciengzgvi giethab, guh daengz doengz anbaiz、 doengz haiguh、 doengz gaujhwz, roengzrengz guhbaenz buek cingzgoj cauxmoq he, caenh- itbouh fungfouq gij neihanz hong cauxlaeb minzcuz doxgiet cinbu, baujmaenh hong cauxlaeb minzcuz doxgiet cinbu miz dohsang、 miz neihanz、 miz daegsaek.

Sam dwg giengzvaq cwzyin. Daengx yienh okdaiz le gij sicwz gaujhwz siengzsaeq minzcuz doxgiet, mingzbeg dingh ok ciengj fad、 guh daengz cwzyin mingzbeg、 cungdenj mingzbeg, moegbiu mingzbeg cinj- dingh, gyavaiq doicaenh hong cauxlaeb miz bouhloh bae guh. Gyagiengz gocwngz dukcaz, gyagiengz dukcoi doicaenh, gyagiengz gaujhwz gyaepcaz cwzyin, roengzrengz daezsang gij guhhong cizgizsing gak cauxlaeb danhvei. Caenh’itbouh giengzvaq cwngci yisiz caeuq daengxbuenz yisiz, aeu roxnyinh cwzyin naek caeuq sijmingganj gig sang haenx, gaenx- maenx guhsat gij yinvu hong cauxlaeb minzcuz doxgiet. (Cinz Cunghdwz/陈忠德 Maj Cunghvaz/马忠华)