●4 nyied 2 daengz 5 hauh, ciet lijyouz vwnzva minzsuz Baeuqroxdoh Bak- saek Si geizgan, Denzyangz Yen Denzcouh Gujcwngz gonqlaeng banh aen vanjvei vwnzyi haemh Baeuqroxdoh、 beixnuengx baeuh raemx guhangq、 biujyienj foux lungz foux saeceij Boux- cuengh nem fouxsaux、 bau aendomq daengj baenzdauq hozdung, hawj bouxhek gak dieg daeuj yawjngonz haenx caenhcingz daejniemh fung- cingz minzcuz Mbanj- cuengh, roxnyinh vwnzva ngaizhoengh daegbied gag- miz Bouxcuengh.

(Vangz Gozsun)

●3 nyied 29 daengz 30 hauh, Duh’anh haiguh “sam nyied sam Bouxcuengh” baenzdauq minzcuz vwnzva senhconz hozdung. Hozdung neiyungz miz doiq fwen、 biujyienj fungcingz minzcuz、 baij gijgwn ndei、 baij gai doxgaiq reihnaz daengj baenzdauq hozdung, fung- fouq le saedceij vwnzva vunzlai gak cuz daengx yienh.

(Lanz Fuzgvanh)

●4 nyied 3 hauh, Lingzyinz Yen Lozlouz Cin Mozcunh Cunh Mbanjsinhcai Mbanjyauz banh hoihfwen Lanzdenyauz gaiq daeuz, gyoengq beixnuengx Lanz- denyauz daj yanghcin henz- gyawj caeuq Bahmaj Hozciz daeuj haenx doxcomz youq gizhaenx, yungh fwen gyau youx、 cienz cingz, gyalai cingzngeih, coicaenh minz- cuz doxgiet.

(Loz Hihhaij)

●3 nyied 29 hauh, Hwngzyen Minzcuz Cungh- yoz cujciz daengxcungq lauxsae hagseng hagdangz haiguh “sam nyied sam Bouxcuengh” minzcuz vwnz- va hozdung lai cungj lai yiengh. Hozdung neiyungz miz sam vunz haizgieg raez doxdax、 ringx gengxdiet doxdax、 bau aendomq daengj. Baez hozdung neix langhbaij le gij cingzgoj swnjcienz minzcuz conzdungj vwnzva、 coicaenh minzcuz doxgiet cinbu hagdangz.

(Vangz Gengwngh)