Bi 2017 ndwen 3 doxdaeuj, Libuj Yen giethab saedsaeh bonj yienh, nyinhcaen maeuzveh “ndwen senhconz minzcuz doxgiet cinbu” hozdung fueng’anq, gvangqlangh fatdoengh vunzlai gak minzcuz gaenxmaenx camgya minzcuz faplwd fapgvi senh- conz gyauyuz hozdung. Libuj Yen cawz doenggvaq meizdij gvangjbo densi、 bauqceij ganhvuz、 vangjcan, ciengz- dieg gunghgung nem fuk byauhyij baengzhoengz、 denswj bingzmu diemqdou gwnz gai ringxdoengh boq ok neiyungz faplwd fapgvi minzcuz、 hailaeb banjbau cienlanz、 fat cek saw senhconz daengj hingzsik guh bauq- lwnh senhconz, lij doenggvaq “sam nyied sam Bouxcuengh·ciet hoengh Betgveiq” baenzdauq hozdung, dawz senhconz gyauyuz caeuq gij hozdung vunzlai gak cuz haengj dingq gyaez yawj haenx giethab hwnjdaeuj, gya- giengz gij yaugoj senhconz son’gyauq faplwd fapgvi minzcuz, hawj senhconz son’gyauq haeuj cien ranz fanh hoh.

Libuj Yen haiguh “sam nyied sam Bouxcuengh·ciet hoengh Betgveiq” baenzdauq angqhoh hozdung, neiyungz lai cungj lai yiengh, gig miz daegsaek minzcuz Libuj, cawjdaez hozdung neiyungz de langhbaij le yienghsiengq caeuq vwnzva gak minzcuz Libuj, doed ok fungcingz minzcuz Libuj. Cujyau miz siujsoq minzcuz dijyuz doxdax、 dongfeiz vanjvei、 biujyienj vwnzyi siujsoq minzcuz、 hoihfwen daengj cezmuz neiyungz.

Baez angqhoh hozdung neix cuj- yau comz youq Vwnzva Gvangjcangz Yienhsingz Libuj、Libuj Gunghyenz nem Mbanjvujdwngh Fudwz Cunh Dadangz Cin、 Mbanjsanggauhdung Disih Cunh Majlingj Cin daengj cawjhoihciengz. Gak yanghcin mbanj、 hagdangz、 giyez、 gihgvanh nem yienhsingz mizgven hezvei donzdij gungh 80 aen doihdaiqbiuj camgya biujyienj caeuq doxdax, daengx yienh gak hoihciengz biujyienj cezmuz 100 lai aen, vunzlai gak cuz daeuj yawjngonz daengz 3 fanh lai boux, rengzrwd doidoengh minzcuz doxgiet cinbu senhconz haeuj gih- gvanh、 haeuj lajmbanj、 haeuj segih、 haeuj hagdangz、 haeuj ciengzdieg cunghgyau, coicaenh Libuj ginghci hwngfat caeuq gwnzbiengz huzndei onjdingh.

(Ciengj Yi/蒋毅)