Ciengq hwnjdaeuj, diuq hwnjdaeuj, foux hwnjdaeuj…… 3 nyied 24 hauh, Siengcouh Yen youq Vwnzva Gvangjcangz aen yienh neix banh aen hozdung cawjdaez dwg “sam nyied sam Bouxcuengh, doxhuz youq Siengcouh”, Cuengh、Gun、Mulauj daengj minzcuz vunzlai angqyangz comz youq gizneix, nauhyied gvaq ciet.

Youq aen hozdung comz miz vwnzva minzcuz、dijyuz vunzlai、lijyouz funghcingz、siuhfei daegsaek caez guh neix ndawde, Sienghcouh gak minzcuz vunzlai dox dazfwngz caez camgya bau aendomq、haizgieg sam vunz、diuqcag、dikgienq、gingjgyongxdiet daengj gig miz daegsaek minzcuz vwnzva hozdung haenx, gamjsouh daengz heiqfaenh ciet“sam nyied sam”gig naeknaemq. Hozdung yienhciengz vunz lai vunz daih、 nauhyied dangqmaz, sing angq、sing hemq、sing bekfwngz doxgyaux hwnjdaeuj gyoebbaenz aenhaij angqyangz ndeu.

Laizbinh Si Minzcuz Gunghcoz Lingjdauj Siujcuj fucujcangj、fusicangj Vangz Vwnzlungz cuzciz gaihmusiz lij senhbu cietheiq angqhoh hainduj, yenveij fusuhgi Yungz Gen gangjvah, daibyauj yenveij、yen yinzminz cwngfuj，yiengq daengx yienh gak cuz vunzlai, byaujsi ngoenzciet camndei caeuq hohfuk gyaeundei!

(Siengcouh Yenveij Senhconzbu/象州县委宣传部)