●Mboengqneix, Gunghcwngz Yauzcuz Swciyen Sizbinj Yozbinj Genhduzgiz caeuq Gunghsangh Cizgenh、 Nungzyezgiz daengj bumwnz lienzhab haiguh senhconz dajgyaj hozdung. Gunghcwngz dwg “dieg ndaem makndae” daengx guek, makndae Gunghcwngz ndaej haujlai bouxhek haengjgyaez, vih baujmaenh ciubaiz makndae Gunghcwngz, Gunghcwngz Sizbinj Yozbinj Genhduzgiz cawz gyagiengz ancienz genjcaz, lij ciengzseiz guh senhconz hozdung yawjrox doxgaiq gwn gyaj yaezrwix, daezsang gij naengzlig yawjrox bouxhek.

(Couh Binjciuh)

●Gaenh bi neix daeuj, Vanzgyangh Mauznanzcuz Swciyen haenqrengz saedhengz “vwnzva hoengh yienh” hwngfat canloz. Yawjnaek baujhoh、 swnjcienz caeuq hwngfat fwen Mauznanz, doenggvaq gyoengq beksingq ciengq fwen Mauznanz hozdung, yaek caenh’itbouh dajcauh ciubaiz fwen Mauznanz, doi- doengh vwnzva minzcuz Vanz- gyangh hoenghvuengh hwngfat.

(Lij Conzyi)

●Ningzmingz Yen yungh bauq vehbangxdat Byaraiz ndaej baenz yizcanj guh seizndei, gaem hanghmoeg、 gaem cuengqhaeuj、 gaem siugai, mboujduenh guh- hung guh’ak vwnzva lijyouz binj- baiz “cojgoek Loegvet·vehbangx- dat Byaraiz”. Bi 2016, daengx yienh gungh ciepdaih hekyouz 200 fanh vunzbaez, demlai 48%; lijyouz cungjsiuhfei 22 ik maenz, demlai 73%. Daengx yienh vwnzva lijyouz canjnieb gyavaiq baizmingz youq mingz daih’it 7 aen yienh(si、gih) Cungzcoj Si.

(Couh Yizgangh)

●Gaenh bi neix daeuj, Fuconh Yauzcuz Swciyen doeng- gvaq cauxmoq loegvaq gihci、 hwnjguh diemj guhyiengh loegvaq cingbinj daengj banhfap mizyauq, haenqrengz doicaenh loegvaq aenmbanj, mboujduenh daezsang cingzsoq loegvaq aenmbanj, hawj vanzging diegyouq vunzlai laj- mbanj ndaej gaijndei yienhda, seizneix lajmbanj Mbanjyauz,gingjsaek seiqgeiq hawj vunz maez, Fuconh bienqbaenz fuk veh gyaeundei lajmbanj “faex heu ciengzseiz、 raemx saw ciengzseiz、 ranz gyaeundei、 dieg cinghseuq” he.

(Cinz Yengiz Lij Yauvwnz)