Gaenh bi neix daeuj, Binhyangz Yen nyinhcaen gvancez doeksaed gij cingsaenz aen hoih hong minzcuz Swcigih、 Namzningz Si, haenqrengz gaem ndei hong senhconz minzcuz lijlun cwngcwz dangj caeuq swnj- cienz hwngfat vwnzva minzsuz, youq 《Namzningz Yizbau》、 Sinhvaz Vangj ciendaez fat daeng gij gingniemh cauxlaeb hozdung 《“Yienghbanj Binhyangz” Minzcuz Doxgiet》， din- fwngz guh gang’vax Couhhih Binh- yangz Yen、 Ganhdangz Gvanh- gunghdan、 aen denjlij caeqbaiq gouz fuk buz Nungz gyog ranz Vuz daengj 3 aen “feihyiz” hanghmoeg ndaej senj haeuj swcigih gaep feihyiz mingzloeg, gonqlaeng ndaej bingz baenz aen dieg suhfaz Guengjsae、 aen dieg vwnzyi miz daegsaek.

Haiguh hong senhconz cwngcwz minzcuz dangj caeuq swnjcienz hwngfat vwnzva minzsuz seiz, Binhyangz Yen genhciz aeu gak cungj feihvuzciz vwnzva yizcanj caeuq “ciet bauqlungz” “seiq nyied bet” “ngux nyied ngux” daengj angqhoh ngoenzciet minzcuz dox giethab hwnjdaeuj, haeujlaeg daj- cauh “vwnzva bauqlungz” “vwnzva Bouxcuengh”“vwnzva ndawhag fungcingz minzcuz”. Gaenh bi neix daeuj, aen yienh neix gaenjndaet hopheux aen hozdung cawjdaez “doxgiet buekguh coi yathamj, huzndei hwngfat buet siujgangh” daengj, haenqrengz haiguh ndwen senhconz minzcuz doxgiet cinbu hozdung, haeujlaeg hagsib gij cingsaenz aen hoih hong minzcuz cunghyangh caeuq aen hoih hong minzcuz daengx gih, hagsib gij gangjvah youqgaenj Siz Ginbingz cungjsuhgi mizgven hong minzcuz haenx, haiguh senhconz minzcuz lijlun caeuq minzcuz cwngcwz dangj、 senhconz son’gyauq faplwd fapgvi minzcuz caeuq senhconz son’gyauq gij saehsaed minzcuz doxgiet cinbu mozfan, gonqlaeng cujciz haiguh Luhih Cin Bwzhoz Cunhveij “sam nyied sam” hozdung、 Couhhih Cin “cingz minzcuz·siengjmuengh Bya- bwzsanh” cawjdaez fwen hozdung、 Hozgiz Cin ciet lijyouz vwnzva minzsuz “sam nyied sam Boux- cuengh” daengj, caenh’itbouh coicaenh gak mincuz huzndei caez youq, huzndei hwngfat.

(Loz Linzcaiz/罗林才)