Ranzmbanj gou dwg aen mbanj youq laj dinbya liz ndaw singz gig gyae ndeu. Gizneix daengx bi raemx laecoco, go- faex heusau raemhrwd, hoeng- heiq singjsien.

Geiq ndaej sam bi gaxgonq, ndaw mbanj henz ranz, henz loh, henz dah gizgiz cungj dwg nyapnyaj, nengznyaen dauqcawq mbinhuhu. Moix baez daxdaiq daeuj ranz gou, byaij daengz gyaeujmbanj, cungj nyaenj aenndaeng.

Hoeng bi’gvaq daxdaiq daj ndaw singz daeujdaengz ranz gou, caiq mbouj nyaenj aen- ndaeng lo, de naeuz:“Seizneix lajmbanj bienq seuq lo, gij hoengheiq baenzneix singjsien, gij raemx baenzneix saw, gijgwn youh mbouj miz ywnungzyoz……gou nyienh youq lajmbanj youq lo.”

Gyanghaet, ranzmbanj gou gyoengq roeg’iq cici caca heuh mbouj dingz, gij vahom nywjoiq yinx daeuj haujlai mbungqmbaj caeuq duzrwi. Gyoengq daxbuz mehsimj youq henz dah saeg buhvaq, daihgya gangjgangj riuriu, angq dangqmaz, miz seiz lij eu fwen dem……

Banhaemh ranzmbanj gou hix gig nauhyied. Youq vwnz- vasiz ndaw mbanj, sing go daj baihndaw cienz okdaeuj, baihnaj vwnzvasiz lij miz cib lai boux mehmbwk niuj aen caekhaex diuqfoux ne! Gyoengqde cingq yungh gij foux gyoengqde daeuj haenh saedceij vuenyungz.

Ranzmbanj gou seizneix gingjsaek gyaeundei, daengx bi va ciengz hai, hoengheiq singjsien, gijgwn lai ndaej gwn mbouj liux, daihgya ndaej- hoengq hix daeuj yawjyawj ba.

(指导老师：覃学廉)