●3 nyied 12 hauh dwg ciet ndaem faex, Guengjsae Gihciz Gihgvanh Donzgungh- veij、 Linzyezdingh Donzveij、 Cizboh Linzcangz Donzveij daengj danhvei youq Cizboh Linzcangz lienzhab haiguh “caux bya heu raemx saw swyenz swnghdai” hozdung. 400 lai boux bouxgagnyienh bouxcoz daj gihciz(cunghciz)、 gi swyez 50 lai aen danhvei daengj daeuj haenx ndaem roengz faexdezdunghcingh、 faexhungzvahhoz、 godauz daengj 2000 lai go faex loegvaq 200 lai moux dieg.

(Lungz Yingjyingj)

●3 nyied 8 hauh banhaemh, Ginhsiu Yauzcuz Swciyen Minzcunghgiz caeuq Sanhgoz Yangh Dangjveij、 Cwngfuj lienzhab youq Sanhgoz Yangh Vwnzva Gvangjcangz banh vanjvei, vanjvei cawjdaez dwg “gvansim mehmbwk guh hong、 gvansim lwgnyez louz mbanj”. Vanjvei yinx ndaej 300 lai boux vunzmbanj henzgyawj mbouj doengz minzcuz daeuj yawjngonz.

(Vangz Siubingz)

●Gaenh bi neix daeuj, Cingsih Si Nanzboh Yangh genhciz yungh gij guhhong lohnaemj “hopheux hwngfat gaem dangjgen, gaem ndei dangjgen coi vut gungz”, cauxmoq vunqsik vut gungz, doed ok gaem ndei “nding、 henj、 loeg” daegsaek binjbaiz hwnjguh, yungh dangjgen doengjlingx daengx yangh ginghci ndawbiengz hwngfat, vih vut gungz gunggeng dwkroengz giekdaej baujcang rengzrwd.

(Linz Ligwz Hij Cungh- liuz)

●Bi 2017 doxdaeuj, Ningzmingz Yen yungh gij vunqsik bangfuz canjnieb “giyez gyaeujlungz + gihdi + hozcozse + nungzhoh”, haenq- rengz hwngfat ciengx vaiznoh swnghdai, ceng’aeu bineix ciengx vaiznoh daengz 6.05 fanh duz, daengz bi 2020 ciengx 9.72 duz doxhwnj, hawj ciengx vaiznoh swnghdai baenz cungj canjnieb youqgaenj daengx yienh vut gungz baenz fouq he.

(Couh Yizgangh Vangz Fungcinh)