Gaenh bi neix daeuj, Vanzgyangh Mauznanzcuz Swciyen mboujduenh gyagiengz hwnjguh vwnzva lajmbanj siujsoq minzcuz, gaenxmaenx ciengq- yiengj yaem’wenq vwnzva lajmbanj, daezsang gohyoz vwnzva suciz gyoengq bouxguhnaz daengx yienh, hawj vwnzva lajmbanj siujsoq minzcuz ndaej onjdingh haemq vaiq hwngfat.

It dwg gyagiengz hwnjguh aen doih vwnzva lajmbanj siujsoq minzcuz. Aen yienh neix yawjnaek doiq cangh- heiq ndawbiengz、vunzcaiz vwnzva lajmbanj siujsoq minzcuz guh diucaz, daenggeiq roengzbouh， hwnjguh aen cang saenqsik vunzcaiz vwnzva siujsoq minzcuz lajmbanj daengx yienh.

Ngeih dwg cietsaed gyagiengz hong vatcimh、 baujhoh caeuq swnj- cienz vwnzva lizsij maenhndei ce roengzdaeuj haenx. Gaenh bi neix daeuj, minzcunghgiz aen yienh neix cujciz mizgven vunz, gonqlaeng soucomz fwen ndawbiengz Mauznanz- cuz 30 lai hot, caemhcaiq doiq swhliu fwen daengx yienh guh bujcaz、 damqra、 daenggeiq daengj, lij guh cekgej swz go, ingj siengq canghfwen guh dangjan, soucomz cingjleix 《Fwen Coux Hek》《Fwen Soengq Hek》《Liuj Langzle》 daengj fwen Mauznanzcuz. Doengzseiz youq Yivanz Cunh Yananz Yangh aen yienh neix coih aen diengz baujhoh sigbei anhdangz Mbanjneiluz, cungfaen baujhoh vwnzva lizsij ce roengzdaeuj haenx, swnjcienz vwnzmingz conz- dungj siujsoq minzcuz maenhndei.

Sam dwg gyagiengz haiguh gij vwnzva hozdung vunzlai haengj dingq gyaez yawj、 lai cungj lai yiengh haenx. Gaenh bi neix daeuj, aen yienh neix leihyungh seizhoengq、 seiz ngoenzciet conzdungj minzcuz, cujciz yienjheiq、 doxdax ruzlungz、 doxdax dinfwngz guh hong caeuq conzdungj minzcuz dijyuz doxdax daengj hozdung, aeu 《Fwen Gingqlaeuj》 Mauznanzcuz yungh daengz cietfaenlungz Mauz- nanz、 baenzgya bae haq daengj dieg bae.

Seiq dwg gyagiengz hwnjguh dieg vwnzva lajmbanj siujsoq minzcuz. Guh’ak vwnzva giekdaej sezsih hwnj- guh, haenqrengz doicaenh “bouxguh- naz lienh ndang ak ndang miz leih dungxcaiz gunghcwngz”, guh baenz gunghgung vwnzva fugsaeh dijhi. Aen yienh neix doenggvaq hwnjguh “ranz saw nungzgya” caeuq vwnzva hoz- dungsiz ndaw mbanj、 gizdieg youq- ndwi ndaw mbanj daengj, hawj vunzlai siujsoq minzcuz daengx bi ndaej camgya vwnzdij hozdung.

(Danz Su’myauz/谭素苗)