●3 nyied 5 hauh banringzgvaq, gyoengq minzgingj Fangzcwngzgangj Bienfuengz Cihdui Majlu Bienfuengz Baicuzsoj bae daengz ginglaujyen dieg guenjleix, gaenxmaenx haiguh “hag Leiz Fungh, gvansim bouxlaux gadog” hozdung, vih gyoengq bouxlaux ranzvujbauj yangjlaujyen soengq bae gij simndei raeuj- rubrub.

(Hoz Yivuj Veiz Sanggyah)

●3 nyied 5 hauh, lig- gaeuq ngoenz gingcig ngeihcib seiq aen cietheiq, Gveilinz Si Gvanyangz Yen banh ciet hongdawz “lig- gaeuq ndwenngeih cobet” bi gvaq mbat haenx, miz haujlai hongdawz youq yienhsingz gai, gyoengq bouxguhnaz yungh seizheiq neix, bae ndaw singz senj cawx hongdawz vih seizcin daj- ndaem guh ndei caepcawq.

(Vangz Swhcang)

●3 nyied 3 hauh ban- haemh, Denzyangz Yen Fuyou Baujgenyen、 Yen Fuyou Baujgen Giva Swnghyuz Fuzvu Cungsim youq Denzcouh Gujcwngz Gvangjcangz banh gaiq daeuz fuzvu lijyiz doxdax vanjvei, gak gohsiz daengxcungq canghyw roengzsim lienh cezmuz, aeu cezmuz ndeiyawj buen hwnj gwnz daiz doxdax, miz diuqfoux、 siujbinj、 heiq cingzgingj daengj gak cungj hingzsik, baijyienj le gij yienghsiengq moq daengx yen、 daengx cungsim, ndaej- daengz yienhciengz bouxyawj bekfwngz haenhndei.

(Vangz Gozsun)

●Bi’gvaq ndwen 10 daeuj, Yungzsuij Myauzcuz Swciyen Vanghdung Yangh Dwngzhoz Cunh ndaej cwngfuj dangdieg haeujcoengh, doenggvaq gij vunqsik “dangjgen + gunghswh + ranzgungzhoj” daiq 18 ranz ranzgungzhoj ndaem raetmoegngaex naz ca mbouj lai 10 moux, caemh- caiq saedhengz doengjit guenjleix、 doengjit gai. Raetmoegngaex hainduj mbaet 3 ndwen lai daeuj, souhaeuj gaenq daengz 18 fanh lai maenz.

(Lungz Linzci)