2 nyied 26 hauh, Liujcouh Si Sanhgyangh Dungcuz Swciyen Meizlinz Yangh Meizlinz Cunh Mbanjswdung guh aen hozdung fungsug conzdungj“lwgnyez ngamq seng dauqma ranzdaiq”. Dangdieg bak lai boux Dungcuz beixnuengx daenj buhvaq ngoenzciet, rap byasoemj、noh laeuj、haeuxriengz daengj laex hoh, daxmeh aemq laeq lwgnyez ngamq seng haenx daiq baenz bang beixnuengx yiengq ranzdaiq bae sadsad, dawz gij Dungcuz fungcingz de baijyienj okdaeuj, hohfuk laeq lwgnyez neix ndangcangq bingzan majhung.

(Gungh Bujgangh/龚普康)