Moix bi liggaeuq ndwencieng samsib, Denzlinz Yen miz haujlai vunz mbanj Bouxcuengh miz cungj sibgvenq cuengq ruziq roengz dah bae mbaenj fuk haenx. Gyoengq vunzmbanj yungh gij ronggap cungj gomak dawzmak le vangoz baenz yiengh ruz dangdieg miz haenx, daet guhbaenz haujlai aen ruziq, dawz aengienq aeu bwngaeq gag guh he neuj youq gwnz ruz, baek mbaw geiziq he, caiqlij aeu byaekaengjgwz duk di haeux caeuq noh he cuengq gwnz ruz, cuengq aen ruziq cuengq roengz ndaw dah bae, hawj aen ruziq daiq gij lijsiengj, lae bae dieggyae youzlangh seiqgyaiq, gouz ngoenzlaeng swnhswnh leihleih, bingzbingz an’an.

(Fungz Cunhyinz Luz Anhbingz/冯春云 卢安平)