Bi 2017, Namzningz Si Vujmingz Gih Sanghgyauz Cin gaenxmaenx maeuzveh, nyinhcaen haiguh hong minzcuz doxgiet caeuq cunghgyau senhconz, baujmaenh daengx cin daengx bi hong cauxlaeb minzcuz doxgiet caeuq cunghgyau senhconz yamqonj haiguh.

It dwg gyagiengz lingjdauj, baujmaenh cwzyin daengz vunz daengz dieg. Sanghgyauz Cin nienzco couh aeu hong minzcuz doxgiet caeuq cunghgyau guh le anbaiz, aeu cin dangjveij fusuhgi、 yinzda cujsiz guh cujcangj, gak mbanj(segih) suhgi roxnaeuz cujyin guh fucujcangj, faenguenj banhswj lingjdauj guh ciengzsaeq bouxfucwz, doiq hong daengx cin guh le anbaiz, iugouz gak mbanj(segih) youq ngoenzciet geizgan gyagiengz hong cunghgyau senhconz.

Ngeih dwg gyagiengz beizyin, daezsang roxyiuj. Sanghgyauz Cin youq 1 nyied 4 hauh cujciz daengx cin gak mbanj(segih) suhgi cujyin、 cinciz nem youq cin danhvei cujyau lingjdauj 100 lai vunzbaez hagsib roxyiuj minzcuz doxgiet caeuq cungh- gyau cihsiz, caenh’itbouh daezsang daengxbuenz yisiz, cietsaed guh ndei hong minzcuz caeuq cunghgyau.

Sam dwg gaenxmaenx senhconz, daezsang roxyiuj cingzsoq. Yenzdan、 ndwencieng geizgan, Sanghgyauz Cin leihyungh seizheiq bonj cin、 gak mbanj(segih) haiguh gak cungj coux ndwencieng hozdung, caphaeuj haiguh minzcuz doxgiet caeuq cunghgyau cihsiz senhconz hozdung. Caeuq singzgih minzcungh、 cunghci、 gung- cinghdonz、 hagdangz daengj bumwnz haiguh senhconz, gungh venj fuk baengzhoengz 4 diuz, fatcuengq senhconz swhliu 300 lai faenh.

（Cinz Lingz/覃 玲）