2 nyied 14 daengz 15 hauh, Swcigih Minzyijveij fucujyin Veih Yungjhungz daiq diuyenzcuj daengz Ningzmingz Yen haiguh hong minz Gun song vah saw huzndei diuyenz.

Diuyenzcuj cwngzyenz baugvat Swcigih Minzyijveij fucujyin Yi Siz、 fusinzsiyenz Yiz Feih caeuq boux- fucwz mizgven cusiz. Diuyenzcuj youq Ningzmingz Yen gonqlaeng bae raen le bouxfucwz cujyau yenveij caeuq yenciz mizgven bumwnz aen yienh neix, hoizwngq le gij genyi youq daengx gih gak gaep hoih hozdung hungnaek daengj cungdenj lingjyiz gyagiengz hagsib sawjyungh Saw- cuengh, Liuz Yungj swcigih yinzda daibyauj、 yenveij suhgi aen yienh neix yiendaeuz caeuq 6 boux swcigih yinzda daibyauj lienzhab roengzmingz bineix daezok haenx, caemhcaiq camgya le 2 nyied 14 hauh banringz- gvaq aen hoih naenghdamz hong minz Gun song vah saw Ningzmingz Yen- veij、 Cwngfuj aen yienh neix hai haenx.

Gwnz hoih naenghdamz, Ningz- mingz Yenveij suhgi Liuz Yungj gaisau le gij dajveh “cibsam haj” geizgan yenveij、 cwngfuj aen yienh neix youq daengx yienh doicaenh hagsib yungh Cuengh Gun song vah saw、 ceng caux aen yienh senhcin Cuengh Gun song vah saw huzndei、 bang doi vwnzva Byaraiz hwngfat moq、 coicaenh minzcuz doxgiet cinbu, yenveij cangzveij、 fuyencangj Veiz Dungjbinh caeuq senhconz、 gyauyuz、 minzcungh、 minzyij daengj bouxfucwz mizgven yenciz bumwnz gonqlaeng baulwnh gij lohnaemj caeuq fueng- anq gak bumwnz caeuq lingjyiz guh hong Cuengh Gun song vah saw huzndei. Diuyenzcuj cungfaen haengj- dingh Ningzmingz Yenveij、 Cwngfuj yawjnaek caeuq haeujcoengh hong saw vah minzcuz、 doed ok Cuengh Gun song vah saw huzndei、 coicaenh minzcuz doxgiet cinbu saehnieb, biujsiq yaek gaenxmaenx fatok gij ciznwngz guhhong Swcigih Minzyijveij guenjleix caeuq sonyinx vah saw minzcuz daengx gih, haenqrengz haeujcoengh caeuq boiqhab Ningz- mingz Yen haiguh hong Cuengh Gun song vah saw huzndei. Ginggvaq doxdoeng doxgyau, song mbiengj ciuq gyamaenh gyalaeg bi’gvaq Gveizdangz Cunh ndaej bingz baenz Cuengh Gun song vah lajmbanj sawqdiemj guhhong cingzgoj, youq “cibsam haj” geizgan daengx yienh doengzcaez doicaenh haiguh hong Cuengh Gun song vah saw huzndei dabbaenz doxrox dox- doeng, doiq mizgven hong gveihva caeuq fueng’anq guh le yaenglwnh.

15 hauh, Veih Yungjhungz dak hawj Yi Siz gonqlaeng bae daengz Cwngzcungh Cin Gveizdangz Cunh caeuq yen minzyijban diuyenz, caeuq Gveizdangz Cunh “song veij” banh- swj、 ganbu youq mbanj、 ganbu yen minzyijban doengzcaez yenzgiu doek- saed bineix gyamaenh Gveizdangz Cunh Cuengh Gun song vah saw huzndei lajmbanj sawqdiemj cwngz- goj, gyalaeg daezswng gij cingzyauq guhhong sawqdiemj daengj gven- daengz saehhangh. (Moz Binh/莫 滨 Moz Liujgvei/莫柳桂)