●2 nyied 9 hauh, ciet haw bi Bwzguyauz Cung- guek youq Nanzdanh Yen Lijhuz Yauzcuz Yangh banh. Ngoenzhaenx, fanh boux doxhwnj beixnuengx Bwzguyauz ndang daenj buhvaq moqsag doxcomz youq giz haenx, haiguh baenzdauq roq aennyenz、 dwkgyangq、 dajsiuq、 doj gaeq、 doj roeg daengj minzsuz daegsaek hangh- moeg, yinx ndaej haujlai bouxhek rog gih ndaw gih daeuj yawjngonz aen ciet hoengh Bwzguyauz neix.

(Moz Gijcauh)

●2 nyied 8 hauh, Liujcwngz Yen banh aen hoih ciuvunz couhnieb hung nem hoih doigawj gaisau hanghmoeg cauhnieb “rumz cin hengzdoengh”, 80 lai aen danhvei daj Namzningz、 Liujcouh daengj dieg daeuj haenx bae daengz hoih ciuvunz yienhciengz, vih bouxguhnaz dauqranz、 vunzlai gungzhoj、 boux roengzgangj saetnieb daengj gyoengqvunz daezhawj le 4000 lai aen couhnieb gangjvei, yinx ndaej haujlai boux ra hong daengz ciengz camcaz、 yingbin.

(Dwng Gwzyi)

●Ndwencieng geizgan, Yungzsuij ndaw gyaiq mboujduenh haiguh baenz- dauq hoihbo、 dwk doengz- nienz hozdung, yinx ndaej haujlai bouxhek daeuj yawjngonz youzcet, roxyiuj fungsug sibgvenq Yungzsuij doengzseiz, aeu minzcuz fungcingz Mbanjmyauz cienz ok diegrog bae, vih swnjcienz vwnzva Mbanj- myauz okrengz.

(Veiz Yungzcunh)

●2 nyied 9 hauh, Lungzswng Gak Cuz Swciyen banh gaiq daih- samcib caet lajmbanj yezyiz vwnzyi comzyienj, gyoengq bouxyienj 10 aen doih yienjheiq lajmbanj daj daengx yienh gak yanghcin daeuj haenx doxlwnz hwnj daiz yienjheiq, ciengq go diuq foux angqhoh cieng moq, vih gyoengq bouxyawj yienj ciengz heiq ndeiyawj he.

(Banh Cisiengz)