Vih caenh’itbouh gyagiengz guenj- leix gwnzbiengz yungh Sawcuengh, daezsang gij yizsiz lwgminz gwnzbiengz gveihfan yungh saw, coicaenh gwnz- biengz gveihfan、 biucinj yungh Saw- cuengh, bi 2016, Nazboh Yen Minz- yijban nyinhcaen guh ndei hong fanhoiz caeuq gveihfan yungh Sawcuengh.

It dwg nyinhcaen guh ndei hong fanhoiz Sawcuengh baizbenj mingzcoh caeuq yaenqcieng dangjcwng gihgvanh、 gi swyez danhveih. Daengz bi 2016 ndwen 12 daej, gungh vih dangjcwng gihgvanh、 gi swyez danhvei fanhoiz Sawcuengh gunghcangh 15 aen、 baiz- benj 19 gaiq.

Ngeih dwg ciuq 《Gij Dunghcih Swcigih Minzyijveij Mizgven Haiguh Hong Diuyenz Genjcaz Gij Cingzgvang Gwnzbiengz Yungh Sawcuengh Vah- cuengh》 vwnzgen iugouz, aen minz- yijban neix cujciz vunz doiq daengx yienh gak yanghcin、 yenciz gihgvanh swyez danhvei mingzcoh baizbenj、 yaenqcieng cingqdeng yungh Cuengh Gun song cungj saw cingzgvang guh nyinhcaen genjcaz, caemhcaiq genjcaz seiz yawjraen miz mbangj baizbenj、 yaenqcieng miz loeklauq、 loenq caeuq sij mbouj gveihfan daengj vwndiz cungj iugouz guh cingjgaij, haenqrengz doicaenh gveihfan yungh Sawcuengh.

(Nungz Cwnggaij/农正改)