●Ndwencieng geizgan, Yungzsuij Ranzmyauz Mbanjdung foenfoen haiguh “dwk doengznienz” hoz- dung, cawj hek song mbiengj doenggvaq yien vaiz humx doengznienz、 aenvenz caijdangz、 aenvenz beij yiengj daengj, gyalai vunzlai doxrox doxgiet. “Dwk doengznienz” dwg gij fung- sug mbanj caeuq mbanj doxgyau coicaenh cingz- ngeih siujsoq minzcuz dangdieg, hix dwg gij bingzdaiz bouxcoz dangdieg ra bouxyoux, vunzmbanj camgya hozdung haenx dox heuh baenz “doengznienz”.

(Lungz Dauh)

●2 nyied 4 hauh, Sanhgyangh Dungcuz Swciyen Fuluz Myauzcuz Yangh Gauh’anh Cunh banh conzdungj caijdangz hozdung bi gvaq mbat haenx, vunzlai dangdieg yungh golaux Dungcuz、 aenvenz caijdangz、 dohyeh Dungcuz daengj minzsuz hozdung lai cungj lai yiengh angqhoh cieng moq.

(Gungh Bujgangh)

●2 nyied 5 hauh banhaemh, Cingsih Si Vadung Cin Lihingz Cunh Mbanhginghlinz banh angq- hoh ndwencieng vanjvei, gij cezmuz vunzlai gag bien gag yienj miz gagciengq、 diuqfoux、 moeglaenz daengj lai cungj hingzsik, cezmuz lai cungj lai yiengh, yinx ndaej haujlai vunzmbanj mbanj henzgyawj daeuj yawjngonz.

(Vangz Anhcungh)

●Mboengqneix, youq ndaw suen mak Liu Houanh Luzcai Yen Liujcouh Si, miz haujlai bouxhek ndang daenj buhvaq minzcuz youq ndaw suen mbaet mak. Aen yienh neix ndaem mak- doengj diengz fanh lai moux, bi ndaej mak 150 fanh goenggaen, makdoengj diengz Luzcai dangguh 20 bi daeuj baez daeuz ndaej an coh baenz makdoengj binjcungj moq, dwg cungj mak Liujcouh Si aen daih’it gag cauxmoq miz cihsiz canjgienz he.

(Cinz Yizcau)