Gaenh bi neix daeuj, Namzningz Si Minzcunghveij haenqrengz doicaenh sam daih gunghcwngz, coicaenh minz- cuz diegcomzyouq beksingq saedceij gaijndei caeuq ginghci hwngfat, aeundaej cingzyauq haemq ndei.

It dwg minzcuz yangh giekdaej sezsih laebndei gunghcwngz. Daj bi 2009 hainduj, Namzningz Si Minz- cunghveij boiqhab Siveij、 Si Cwngfuj laebdaeb 3 bi bued roengz ik lai maenz. Yungh guh Majsanh Yen Gujcai Yauzcuz Yangh、 Lijdangh Yauzcuz Yangh caeuq Sanglinz Yen Cinhih Yauzcuz Yangh daengj 3 aen minzcuz yangh saedhengz roenloh mbanj、 suijli、 vwnzva、 gyauyuz、 veiswngh daengj hanghmoeg 300 lai aen. Lij aeu 3 aen minzcuz yangh bungz 10 hopbi yanghging guh seizndei, boiqhab Siveij、 Si Cwngfuj faenbied vih 3 aen minzcuz yangh anbaiz 1000 fanh maenz yanghging cienhangh ngaenzcienz, doengzseiz gak gaep gak bumwnz gungh bued roengz ngaenzcienz 1.45 ik maenz bangcoh 3 aen minzcuz yangh gaijndei giekdaej diuzgienh.

Ngeih dwg 20 ranz doxroengz mbanj minzcuz “sam hoj” gaijndei gunghcwngz. Bi 2014, Namzningz Si Minzcunghveij ginggvaq diucaz yenzgiu fatyienh, Sanglinz、 Majsanh、 Lungzanh 3 yienh 20 ranz doxroengz siujsoq minzcuz mbanj comzyouq lij miz gij vwndiz caengz doeng roen、 caengz doeng dienh、 gwn raemx hoj, vih gaijgez doenghgij vwndiz neix, aen veij neix gaenxmaenx yiengq Si Cwngfuj bauq, ginggvaq Si Cwngfuj lai baez hai hoih doxyaeng, bi 2015, Si Caizcwng anbaiz cienhangh ngaenzcienz 806.8 fanh maenz yungh guh Sanglinz、 Majsanh、 Lungzanh sam yienh 20 ranz doxroengz siujsoq minzcuz mbanj comzyouq minz- swngh gaijndei bangfuz gunghcwngz roen doeng mbanj hanghmoeg, saedsaeh fat roengz hanghmoeg 33 aen, coih guh roen doeng mbanj 54.42 goengleix.

Sam dwg minzmou minzbinj daez- swng gunghcwngz. Bi 2011, Namzningz Si youq daengx gih daiqdaeuz laeb ngaenzcienz bangcoengh giyez dingh- diemj guh doxgaiq siujsoq minzcuz yungh 200 fanh maenz, bi 2013 hainduj daezsang daengz 500 fanh maenz, yungh guh senhconz doigvangq huq yw minz- cuz、 bangcoengh hwngfat gij doxgaiq vwnzdij siujsoq minzcuz、 bauq guekgya minzbinj giyez swnghcanj boujdiep ngaenzcienz boiqdauq daengj. Gaenh sam bi neix daeuj, daengx si miz 48 aen giyez guh huq minzcuz aeu yungh haenx、 106 aen giyez minzcuz mouyi gungh ndaej Cunghyangh Caizcwng diepsik 3.09 ik maenz, diepsik soqmoeg youq daengx gih vih daih’it, hong minzmou minzbinj daj doeklaeng yamq haeuj hangzlied daengx guek senhcin hawsingz.(Veiz Yenzfuz/韦元福)